HMOTAOPAZY 17:13 - Mara Bible RV (BSI)

¹³ Thysalawnika liata Zuzy ta Pawla cha Beria lia chhao ta Khazohpa bie a chho tahpa ama thei nahta, cha lâ chhao cha vawh ei ta, zawpizy hnapaona bie reipa ta pasyu ei ta.

HMOTAOPAZY 17:13 Cross References

1 ABEIZY 21:25

A lapinô Zezebel pasyupalipa ta Abeipa mohmô liata hmo pha leipa tao awpa ta âzuahpa Ahabâ hawhpa he ahy hmah y veih ei.

BIESOZY 15:18

Chyhsa pathichhiepa cha ahryuna pathyu ta, Nônaipa deikua cha aeichhiana a padia tyh.

BIESOZY 28:25

Karâypa chyhsa cha ahryuna pathyu ta, Abeipa a ngâtuhpa deikua cha pathawhsapa a châ aw.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

LUKA 12:51

Khizaw liata adyhna chareisa awpa ta a vypa khiah ma eina tah ei chi ma? Châ bao va, ei cha chho ei, pachhaih awpa ta a vypa tlao ei châ.

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

HMOTAOPAZY 17:1

Amphipôli nata Apôlônia khihpizy chapiapa ta Thysalawnika khihpi tlô ei ta, cha liata Zuzy pakhyna o y ta.

HMOTAOPAZY 17:10

Unawhzy ta azo ta Pawla nata Sila cha Beria khih lâ thlai pasiesa ei ta, ama kei tlô nahta, Zuzy pakhyna o liata a ngia ei ta.

HMOTAOPAZY 17:5

Zuzy deikua cha ama hiatlia ta, sôhdaohna su liata moleipa thathipazy pakhy ei ta, zawpi pahmaohpa ta khihpi zydua patypamâ ei ta. Lyuhchâpazy cha zawpi lâ a chhi a chhuahpa ta, Zasaw o liata a ngiahnao ei ta.

HMOTAOPAZY 20:4

Beria khihpa Pyhu sawchapawpa Sôpate, Thysalawnika khihpa Kristaku nata Sekudu, Derbe khihpa Kaiâ, Timawthy, Asia chyhsa Tykiku nata Tarôphimâ zy ta zi ei ta.

HMOTAOPAZY 21:27

Noh sari a tloh chy ta, Asia râh liata Zuzy ta Pawla cha Achhyna o liata hmô ei ta, zawpi zydua pasyupa ta Pawla cha patu ei ta.

HMOTAOPAZY 6:12

Zawpizy, machâzy nata ryhpa pachutuhpazy pasyu ei ta, Stiphana cha tei ei ta, patupa ta, ryureina hmiakô liata a vaw chhi ei ta.

2 KAWRINI 11:26

Ei hluhpi ei khitlynazy liata, chavahzy liata chichhihna, hraotuhpazy liata chichhihna, ei chiheihzy liata chichhihna, Zenitaizy liata chichhihna, khihpi liata chichhihna, khitaw liata chichhihna, tilaipi liata chichhihna nata unawh pakheipazy liata chichhihnazy ei tyh tyh.