HMOTAOPAZY 17:10 - Mara Bible RV (BSI)

¹⁰ Unawhzy ta azo ta Pawla nata Sila cha Beria khih lâ thlai pasiesa ei ta, ama kei tlô nahta, Zuzy pakhyna o liata a ngia ei ta.

HMOTAOPAZY 17:10 Cross References

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

HMOTAOPAZY 15:22

Chatawhcha lyuhchâpazy, machâzy nata Awnanopa zydua ta ama hry tawhta chyhsa pano a tlyh ta, Pawla nata Bânabâ hnohta Antiôkâ lâ pasiesa awpa cha pha tah ei ta. Unawhzy hry liata hyutuh viapa Bâsabâ ama tahpa Zudâh nata Sila zy a tlyh ei ta.

HMOTAOPAZY 17:1

Amphipôli nata Apôlônia khihpizy chapiapa ta Thysalawnika khihpi tlô ei ta, cha liata Zuzy pakhyna o y ta.

HMOTAOPAZY 17:2

Pawla cha a taozietyhpa hawhta a pakhy hra ta, Pahânoh ei thôh Biehrai pakhâta ta âmo a laichadaikhei ta.

HMOTAOPAZY 17:4

Chatanachata ama hry liata thokha cha pahniepa châ ei ta, Pawla nata Sila cha a pahlao ha ei ta, Khazohpa a pachâpa Krikâh chyhsa hluhpi nata chanô zachhihpa hluhpi chhao ta a ngiapâ ha ei ta.

HMOTAOPAZY 17:6

Châhrasala lyuhchâpazy cha hmô leipa ei ta, Zasaw nata unawh hropa thokhazy cha khihpi biehneituhpazy lâ a daophi ei ta, “He sahlao, khizaw a palie patheih khai hapazy heta, he lâ chhao vaw tlô ei ta.

HMOTAOPAZY 20:4

Beria khihpa Pyhu sawchapawpa Sôpate, Thysalawnika khihpa Kristaku nata Sekudu, Derbe khihpa Kaiâ, Timawthy, Asia chyhsa Tykiku nata Tarôphimâ zy ta zi ei ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

HMOTAOPAZY 9:25

Châhrasala a pachupazy ta Sawla cha zâ ta a chhi ei ta, thokhy opy lâ tawhta hrâbyh ta pathliah ei ta.

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.