HMOTAOPAZY 16:19 - Mara Bible RV (BSI)

¹⁹ A zibeipazy ta ama sôh hmôna a lei haw tahpa ama pahno nahta, Pawla nata Sila cha patu ei ta, sôhdao su liata ryureituhpazy hmiakô lâ a daophi ei ta.

HMOTAOPAZY 16:19 Cross References

DÂNIAH 6:12

Abei lâ vawh ei ta, pakhâna bie kyh cha a hmiakô liata reih ei ta, “Hy abei y, noh sythôh chhôh cha, nâma lâ tah leipa ta khazoh nata chyhsa kheihawhpa lâta thlah a chhâpa maih cha, Hy abei y, chakeibarôhneipa lôpu liata thypa a châ aw tahpa pakhâna bie kha na moh ro thlu ha va chi ma kha?” tah ei ta. Abei ta a chhy ta, ama hnohta, “Media nata Persia ryhpa cha panano theipa a châ leipa hawhta, pakhâna bie kha â ipa ta â duah,” tah ta.

MATHAI 24:9

“Riethei tao awpa ta cha patusa aw ei ta, cha thie aw ei ta, ei moh vâta phopi zydua ta ama châ hao aw.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 14:5

Zenitaizy, Zuzy nata ama ryureituhpazy ta lyuhchâpazy cha taochhiepa ta alô ta vaw a chhuah ei ta.

HMOTAOPAZY 15:22

Chatawhcha lyuhchâpazy, machâzy nata Awnanopa zydua ta ama hry tawhta chyhsa pano a tlyh ta, Pawla nata Bânabâ hnohta Antiôkâ lâ pasiesa awpa cha pha tah ei ta. Unawhzy hry liata hyutuh viapa Bâsabâ ama tahpa Zudâh nata Sila zy a tlyh ei ta.

HMOTAOPAZY 15:26

Bânabâ nata Pawla cha eima Beipa Zisu Krista moh vâta ama hrona a sokhâhpazy ama châ.

HMOTAOPAZY 15:40

Pawla deikua cha Sila a tlyh ta, unawhzy ta Abeipa ngiachhiena liata ama pavaosa khai nahta sie ei ta.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

HMOTAOPAZY 16:20

Bie pachiatuhpazy lâ a chhi ei ta, “He chyhsazy he Zuzy châ ei ta, eima khihpi he ama patypamâ ngaita.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

HMOTAOPAZY 16:29

Patâhna o vaituhpa cha meiôh pado ta, thlai a ngia ta, chipa ta a chalyuna chôta Pawla nata Sila hmiakô liata â khu lâta pao ta.

HMOTAOPAZY 17:6

Châhrasala lyuhchâpazy cha hmô leipa ei ta, Zasaw nata unawh hropa thokhazy cha khihpi biehneituhpazy lâ a daophi ei ta, “He sahlao, khizaw a palie patheih khai hapazy heta, he lâ chhao vaw tlô ei ta.

HMOTAOPAZY 21:30

A khihpi duata a tymâ ei ta, zawpi a râ pakhy ei ta. Pawla cha patupa ta Achhyna o tawhta a daophi ei ta, ochhizy thlai khaw ei ta.

HMOTAOPAZY 8:3

Sawla deikua cha Awnanopa taola lymâ ta, o to a ngia ta, a chanô chapaw ta a daophi ta, patâhna o liata khô lymâ ta.

HMOTAOPAZY 9:16

Ei moh vâta riethei khatlu ta ma a tao aw tahpa ei pahmôsa aw,” tah ta.

2 KAWRINI 6:5

chheina liata zy, patâhna liata zy, tymâna liata zy, hriapasana liata zy, mokuh saihna liata zy, nodina liata zy;

PHILIPI 1:30

Keima liata adyuhna nama hmô tyhpa, tahmâ chhao ei tyh haipa nama theipa, cha adyuhna tlai cha nâmo chhao namâ tyh hra hih.

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.

ZÂMIE 2:6

Nâmo deikua cha, dyhchhiepa nama mohnao. Châ tlybaipa nata pachiana lâ châ daophituhpazy cha hneirôhpazy châ tyh veih ei ma?