HMOTAOPAZY 13:5 - Mara Bible RV (BSI)

⁵ Salâmi khih ama tlô nahta, Zuzy pakhyna ozy liata Khazohpa bie chho ei ta. Zawhâna chhao âmo bao awpa ta a chhi ei ta.

HMOTAOPAZY 13:5 Cross References

1 ABEIZY 19:21

Elaisâh cha Elaizâh a pazipa tawhta kua ta, viahchao tôhpa bao kha la ta, atheihna ta hlâ ta. A sazy cha viahchao raopaky thozy ta pasyuh ta, chyhsazy pie ta, nie ei ta. Chatawhcha thyu ta, Elaizâh cha a chadai ta, chakao ha ta.

1 ABEIZY 19:3

Elaizâh cha chi kaw ta, thyu ta, a hrona pabohsa awpa ta a râ ta. Zudâh râh Besebâ khih kei tlô ta, cha liata a chakaotuhpa cha siesai ta.

2 ABEIZY 3:11

Zehôsaphâ ta, “Abeipa miah a saohiahpa awpa Abeipa hrohsopa he liata y tlâ veih ei ma?” tah ta. Izarei bei chakaotuhpa pakha ta a chhy ta, “Elaizâh ku ti a bao tyhpa, Saphâta sawchapawpa Elaisâh a y,” tah ta.

PUASAINA 24:13

Mawsi nata ano baotuhpa Zawsua cha thyu ei ta, Mawsi cha Khazohpa tlâh lâ khy ta.

MATHAI 20:26

Nâmo hry liata deikua cha, cha hawhta a châ awpa châ vei. Nama hry liata ahy rai chyhsa rônahpa châ a khohpa cha, nâmo châ chakaotuhpa ta a y awpa a châ.

HMOTAOPAZY 12:12

Hmo yzie a pahno pasia tawhta, Mâri o lâ vawh ta. Mâri cha Zawhâna Mâka ama tahpa nô châ ta, cha liata thlahchhâpa ta chyhsa hluhpi vaw ypakhy ei ta.

HMOTAOPAZY 12:25

Bânabâ nata Sawla cha chakaona rai ama hria khai tawhta, Zawhâna Mâka ama tahpa a chhi ei ta, Zerusale tawhta a lie ha ei ta.

HMOTAOPAZY 13:14

Pawla nata Bânabâ deikua cha Perkâ tawhta sie lymâ ei ta, Pisidia râh liata Antiôkâ khih tlô ei ta. Pahânoh ta pakhyna ozy liata a ngia ei ta, a tyuh ei ta.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 14:1

Ikônia khih liata Zuzy pakhyna o liata ama pano ta a ngia ei ta, bie reih ei ta, Zu nata Krikâh chyhsa hluhpi ta a ngiapâ ei ta.

HMOTAOPAZY 15:37

Bânabâ ta Zawhâna Mâka a chhi khoh ta.

HMOTAOPAZY 17:17

Chatanachata pakhyna o liata Zuzy nata Khazohpa a pachâpazy cha Biehrai a laichadaikhei tyh ta, sôdaohna su liata a ypazy chhao noh chareih ta Biehrai â laichadaikhei tyh ei.

HMOTAOPAZY 18:4

Pahânoh maihta pakhyna o liata bie reih tyh ta, Zuzy nata Krikâhzy pahnie â chhuah tyh.

HMOTAOPAZY 19:22

A chakaotuhpa pano, Timawthy nata Erastâ cha Mâsidônia râh lâ pasiesa tua ta, ano cha Asia liata y chy ta.

HMOTAOPAZY 19:29

Khihpi zydua cha tymâna ta bie ta, Pawla a zituhpa Mâsidônia chyhsa Kaiâ nata Aristaku zy cha patu ei ta, ahmaohna o lâ â raohpa ta a râkhei ei ta.

HMOTAOPAZY 19:8

Pawla cha pakhyna o liata a ngia tyh ta, thla thôh chhôh riahpha ngaitapa ta bie reih ta, Khazohpa khinarâh kyh liata âmo cha Biehrai a laichadaikheipa ta pahnie a chhuah ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

KAOLAOSÂ 4:10

Ei tâlâhpa Aristaku ta a châ naoh ei. Bânabâ tupapa Mâka chhao ta a châ naoh ei. Ano kyh liata pahnosana vaw dao ha ei chi ta, nâmo lâ â vy khiahta cha, a vaw ly muh vy.

2 TIMAWTHY 4:11

Luka deita ei hnohta a y. Mâka kha hrua la, a vaw chhi mah y. Ano cha chakaona liata ei châta phahnai ngaitapa a châ.