HMOTAOPAZY 13:16 - Mara Bible RV (BSI)

¹⁶ Pawla a kaw duah ta, a ku ta zie ta, bie reih ta, “Izarei chyhsazy nata Khazohpa a chipazy saih u, nathlie teh u.

HMOTAOPAZY 13:16 Cross References

1 ABEIZY 8:40

Chatanachata miah pathlatuhpazy na piepa râh liata ama pahrâ chhôh zydua ta ama cha chi lymâ aw.

HLAZY 135:20

Hy Livai pathlazy saih u, Abeipa cha reithai teh u! Nâmo, Abeipa a chituhpazy saih u, Abeipa cha reithai teh u!

HLAZY 67:7

Khazohpa ta byhnâ miah pie aw ta, Khizaw kaokih ta ano cha chi mawh ei sy!

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

MATHAI 11:15

Theina nakhaoh a hneipa ta thei mawh sy.

LUKA 1:22

A vaw pua nahta, âmo cha bie a chho thei khao leipa ta, Achhyna o liata aluahna a hmô tahpa pahno ei ta. Bie a reih thei khao leipa vâta, ama hnohta a ku ta thliethlâ ta.

LUKA 1:50

A zawngiahna cha ano a chipazy châta châ ta, Chhâzaw nata tlyzaw ta a y aw.

LUKA 23:40

Pakhapa ta ano cha ra ta, “Khazohpa tlai chhao chi va chi ma? Thaileichâna miakha ta hriepa nama châpa he.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

HMOTAOPAZY 12:17

A chalih awpa ta a ku ta thliethlâ ta, Khazohpa ta patâhna o tawhta a papuanazie âmo cha chho ta. “Cha biezy cha Zâmie nata unawhzy kei chho teh u,” tah ta. Pity cha pua ta, su hro lâ sie ha ta.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 19:33

Alezandâ cha Zuzy ta hmia ama pasahpa vâta, zawpi hry liata thokha ta ano vâta khiah ma tah ei ta. Alezandâ ta zawpi cha a chalih awpa ta a ku thliethlâ ta, a thaichâna bie zawpi hnohta rei a chhuah ta.

HMOTAOPAZY 2:14

Pity cha pahrawh hleikhazy nata hmaohkha ta a duah ei ta, ao paro ngaitapa ta ama hnohta bie reih ta, “Nâmo, Zudia mo nata Zerusale liata a pahrâpa zydua saih u, hezy he pahno u la, ei biezy he nathlie teh u.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 21:40

A paryhsa nahta, Pawla cha kahmi liata a duah ta, zawpi a chalih awpa ta a ku ta thliethlâ ta, amâ chalihpa nahta, Hebrai reih ta ama hnohta bie reih ta.

HMOTAOPAZY 22:22

Bie a rei khaina taihta nathlie ei ta. Chatawhcha ao paro ngaitapa ta, “He hawhpa chyhsa he leilô tawhta pahleipadia teh u! A hroh tlâh châ vei,” tah ei ta.

HMOTAOPAZY 3:12

Cha cha Pity ta a hmô nahta, zawpi hnohta bie reih ta, “Nâmo, Izarei mo saih u, he hmo he khazia nama no a âh? Keimo hmotaotheina nata Khazohpa eima pachâpa vâta ano he eima pasiesapa hawhta pachâpa ta, khazia miah nama mo thlâh haw?

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:29

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.