HMOTAOPAZY 12:8 - Mara Bible RV (BSI)

⁸ Vâlyuhchâpa ta a hnohta, “Na poh a bu la, na pheiky a ky teh,” tah ta. Pity ta cha hawhta tao ta. Vâlyuhchâpa ta a hnohta, “Na poh kha pakhâta ta a bu la, na zi teh,” tah ta.

HMOTAOPAZY 12:8 Cross References

MATHAI 3:11

“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.

MÂKA 6:9

Pheiky deikua a kypa ta, viahkao zo no a ky lei awpa ta biepie hra ta.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

HMOTAOPAZY 12:7

Abeipa vâlyuhchâpa a kiapâh liata a vaw duah ta, patâhna o chhôh cha vaw khaih ta. Pity kâ liata kei chabaih ta, pahra ta, a hnohta, “Thyu para teh,” tah ta. Bâliazy cha a ku tawhta tla ha ta.

HMOTAOPAZY 12:9

Pity cha pua ta, zi ha ta. Vâlyuhchâpa hmotaopa cha a hmeiseihpa a châ tahpa pahno leipa ta, aluahna a hmôpa hawhta pachâ ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 8:26

Abeipa vâlyuhchâpa ta Phili cha bie a chho ta, “Thyu la, Zerusale tawhta Kâza lâ zuna lâpi, chho lâta râhchawhpa a chapiapa lâpi lâta sie teh,” tah ta.