HMOTAOPAZY 12:5 - Mara Bible RV (BSI)

⁵ Chavâta Pity cha patâhna o liata paysa chypa châ ta, Awnanopa ta ano châta phahnai khoh ngaitapa ta Khazohpa lâ thlahchhâ ei ta.

HMOTAOPAZY 12:5 Cross References

MATHAI 18:19

Ei cha chho via ei, alei chô liata chyhsa pano ta rei a paraohpa ta hmo ama hia khiahta cha, ei Paw vârâh liata a ypa ta a taopa aw ei.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

HMOTAOPAZY 12:12

Hmo yzie a pahno pasia tawhta, Mâri o lâ vawh ta. Mâri cha Zawhâna Mâka ama tahpa nô châ ta, cha liata thlahchhâpa ta chyhsa hluhpi vaw ypakhy ei ta.

HMOTAOPAZY 12:4

Herawdâ ta Pity cha patu ta, patâhna o liata khô ta, pheisaih papalih lymâ ta pavaisa ta. Zawpakhô khai tawhta zawpi hmiakô liata a thâtih pachia awpa a chhuah ta.

HMOTAOPAZY 12:6

Herawda ta a papua chy ta, cha zâ liana tlai chata, Pity cha pheisaih pano likawh ta, bâlia miano pakypa ta a mô ta. Vaituhpazy cha ochhi thaby liata ypa ta, patâhna o cha vaih ei ta.

1 KAWRINI 12:26

Pachiahpa miakha pasa a tao tita, pachiahpa zydua ta taokhei ei ta, pachiahpa miakha palyupalihpa ta a y tita, pachiahpa zydua ta amâ lykhei tyh.

2 KAWRINI 1:11

Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

1 THYSALAWNIKA 5:17

bâh leipa ta thlahchhâ u la,

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.