HMOTAOPAZY 12:2 - Mara Bible RV (BSI)

² Zawhâna unawhpa Zâmie cha zaozi ta thie ta.

HMOTAOPAZY 12:2 Cross References

1 ABEIZY 19:1

Ahabâ ta Elaizâh hmotaopa zydua nata zaozi ta hrohsopa zydua a thie hapa thâtihzy cha Zezebel chho ta.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

ZEREMIAH 26:23

Chatanachata Uria cha Izi râh lâ za lapa ta, Bei Zehôki lâ a vaw chhi ei ta. Bei Zehôki ta Uria cha zaozi ta thie ta, vâtlâh thlâ su a ri ama thy hapa kha a châ.

MATHAI 20:23

Zisu ta ama hnohta, “Ei nyu cha nama doh thei ngyu aw, châhrasala ei chachâh lâ nata ei chavei lâta a tyuh awpa cha, kei ta ei pie awpa châ leipa ta, ei Paw ta â chhuahdypazy châta a châ,” tah ta.

MÂKA 10:35

Zebâdi sawchapaw Zâmie nata Zawhâna cha Zisu lâ a vy ei ta, a hnohta, “Pachutuhpa, eima châ hawpa maih miah na taopa awpa ta eima khoh,” tah ei ta.

MÂKA 10:38

Zisu ta ama hnohta, “Nama hiapa pahno veih ei chi. Ei nyu dopa nama doh thei aw ma? Ei bâti châna liata namâ bâti thei hra aw ma?” tah ta.

MÂKA 10:39

Âmo ta a hnohta, “Eima tao thei aw,” tah ei ta. Zisu ta ama hnohta, “Ei nyu dopa cha doh thei aw ei chi ta, ei bâtina liata chhao namâ bâti thei ngyu aw.

HMOTAOPAZY 12:1

Cha daihti rachhôh liata, Bei Herawda ta Awnanopa sahlao thokha chô liata a ku hypa ta taola ta.

HEBRAI 11:37

Alô ta vawhpa châ ei ta, thoâna ta taipachhôpa châ ei ta, reipasaona a tyh ei ta, zaozi ta chhawhsaopa ama châ. Mietaku vo nata mie vo zy a bupa ta viavi ei ta, dyhchhiena, pasataona nata â doleipa ta ama chô liata hmotaopazy amâ tyh.