HMOTAOPAZY 10:22 - Mara Bible RV (BSI)

²² Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 10:22 Cross References

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

MATHAI 1:19

A vahpa Zawsi cha chyhsa siapa a châpa vâta, Mâri noh pazao awpa khoh leipa ta, arulâta a chhaih a chhuah ta.

MATHAI 2:12

Ama mâ lâta Herawda lâ kua lei awpa ta chhopa ama châpa vâta, lâpi hropa lâta ama râh lâ a lie ha ei ta.

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 23:50

Chyhsa pakha, a moh Zawsi ama tahpa, ryureituh phapa nata siapa y ta.

LUKA 9:26

Ahy rai kei nata ei biezy a zakheipa cha, Chyhsa Sawchapawpa ta a rônahna chhaota nata a Paw rônahna nata a vâlyuhchâpa pathaihpazy rônahna chhaota â zu tita, ano cha a zakhei hra aw.

ZAWHÂNA 13:20

Hmeiseihta ta, hmeiseihta ta ei cha chho ei, ahy rai ei tuapa a lypa cha, keima nâ lypa châ ta, ahy rai keima nâ lypa cha, nâ tuahtuhpa a lypa a châ,” tah ta.

ZAWHÂNA 17:20

“He sahlaozy châ dei ta a hawpa châ va na. Ama bie vâta nâ ngiapâ awpazy châta chhao a hawpa ei châ.

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 10:21

Chatanachata Pity cha chyhsazy yna lâ za chô ta, ama hnohta, “Nama tluapa cha kei he ei châ. Khâpa ma namâ vyna chhâpa a châ?” tah ta.

HMOTAOPAZY 10:30

Kawnilia ta, “Noh palih a khô hapa liana khata, tahmâ daihti hawhpa taih he thlahchhâpa ta y na ta, zâlâ dawh thôhpa ta ei o liata thlah ei chhâ hai nota, chyhsa pakha poh diehpa a bupa ta ei hmiakô liata a vaw duah ta,

HMOTAOPAZY 10:33

Chavâta thlai cha vaw padysa na ta, zawh a ngiah chi ta, nâ vy theipa he a lypa a châ kaw na. Abeipa ta bie a cha piepa zydua cha nathlie awpa ta, eima zydua heta Khazohpa hmiakô liata tahmâ eimâ vaw hmaoh,” tah ta.

HMOTAOPAZY 10:6

Savo taotuhpa Saimaw o liata tlô ta, a o cha tilaipi kiah liata a y,” tah ta.

HMOTAOPAZY 11:14

Ano ta bie cha chho aw ta, cha bie chata nâ nata na chhôhkhazy pachhapa ta nama y aw,’ a vaw tahpa kyh miah chho ta.

HMOTAOPAZY 22:12

“Cha liata chyhsa pakha, Anania ama tahpa y ta. Ano cha ryhpa bie hawhta Khazohpa a pachâpa nata cha liata Zu chyhsa a ypa zydua ta ama reithaipa a châ.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 6:3

Chavâta unawh saih u, nama hry liata Thlahpa nata sona ta a biepa, chyhsa moh phapa pasari a tlyh teh u, cha hmozy a pachâtuhpa châta âmo cha eima rao aw.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

2 KAWRINI 5:18

Cha zydua cha Khazohpa tawhta a puapa a châ. Krista vâta Khazohpa ta ano nata a ryhpa ta miah tao ta, aryhna chakaona raihria miah a pie.

RYHPACHANEINA 30:13

‘A biepiepa cha thei sih la, eima zyh thei nawpa ta, ahy tilaipi khô lâ sie aw ta, miah a lapa aw?’ tah awpa ta, biepiepa cha tilaipi khô lâta a ypa châ hra vei.

1 TIMAWTHY 3:7

Cha dei châ vei, khôtho chyhsazy lia chhao ta moh phapa a châ awpa a châ. Chataleipatala reipachhiepa ta y aw ta, ahripa khoheih liata â ao pathlei aw.

HEBRAI 10:38

Ei chyhsa siapa cha, Ngiapâna ta a hroh aw; Hnôh a sypa deikua cha, A chô liata alyna rai hnei aw va na.”

HEBRAI 11:2

Cha ngiapâna vâna chata hlâno chyhsazy kha reithai ama hlao tyh.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

2 PITY 3:2

Chatanachata hrohsopa pathaihpazy biereipa nata nama lyuhchâpazy hmâpa ta Abeipa nata Pachhatuhpa biepiepa cha namâ thei thlâh ha aw.

3 ZAWHÂNA 1:12

Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.