HMOTAOPAZY 10:11 - Mara Bible RV (BSI)

¹¹ Avâ a vaw pahy ta, poh lai ngaitapa a lyupa, ki palih ta buhpa alei lâ zâ pathliahpa hmô ta.

HMOTAOPAZY 10:11 Cross References

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

ISAI 43:6

Maw lâ hnohta, ‘Pathlie teh,’ tah aw na ta, Chho lâ hnohta, ‘Hraih kha,’ ei tah aw. Ei sawchapawzy lâhlapi tawhta a vaw chhi la, Ei sawchanôzy alei chhâna tawhta a vaw chhi mah y.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

EZEKIA 1:1

Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

MATHAI 8:11

Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

LUKA 3:21

Chyhsa zydua bâti ama châ khai tawhta, Zisu chhao cha bâti châ hra ta. Thlah a chhâ hai nota, avâ a vaw pahy ta,

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

ZAWHÂNA 11:52

Izarei phopi châta dei châ leipa ta, Khazohpa saw râh to liata hiepatlapazy hlao kha ta syhpahmaoh nawpa a châ hra.

ZAWHÂNA 12:32

Kei he alei tawhta chaluahpa ei châ tita, chyhsa zydua kei lâta ei sy aw ei,” tah ta.

HMOTAOPAZY 10:12

A chhôh liata phei palih a hneipa râhsa to, alyhpasa to nata avâ pavaw to y ei ta.

HMOTAOPAZY 11:5

“Zôpâ khihpi liata thlahchhâpa ta ei y nota, aluahna hmô na ta, poh lai ngaitapa a lyupa za chô ta, ki palih buhpa ta, avâ tawhta zâ pathliahpa ta, kei lâ a zu ta.

HMOTAOPAZY 7:56

“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 9:4

Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

KALATIA 2:15

Keimo cha Zu chyhsa ta a pihpa châ pi ta, Zenitai moleipazy châ ma pi.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.