HMOTAOPAZY 1:2 - Mara Bible RV (BSI)

² lyuhchâpa â tlyhpazy hnohta Thlahpa Pathaihpa hmâpa ta bie a pie khai nahta, vârâh lâ chhihthapa ta a yna noh taihta ei roh.

HMOTAOPAZY 1:2 Cross References

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

MATHAI 12:28

Khazohpa Thlahpa vâta ahripazy a papuapa ei châ khiahta deikua cha, Khazohpa khinarâh cha nama chô liata a vaw tlô hapa a châ.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

MÂKA 6:30

Lyuhchâpazy Zisu lâ vaw kua ei ta, ama hmotaopa nata pachupa kyh zydua Zisu chho ei ta.

LUKA 24:51

Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

LUKA 9:51

Zisu cha vârâh lâ a chhipa ta a y nawpa daihti â hnia nahta, Zerusale lâ sie awpa ta a chhuah ta.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 13:1

Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 17:13

Tahmâ nâ lâ ei vaw di daihmâ haw. Ei lyna âmo liata â ki thei nawpa ta, he biezy he khizaw liata ei reih.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

ZAWHÂNA 6:62

Chyhsa Sawchapawpa he a y tuana lâ a kiapa a hmôpa châ u la, kheihta nama tah aw?

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

HMOTAOPAZY 1:13

O amâ ngia nahta, Pity, Zawhâna, Zâmie, Adaru, Phili nata Thawma, Bâthawlawmu nata Mathai, Alphu sawchapawpa Zâmie nata Saimaw, Zilô py liatapa nata Zâmie sawchapawpa Zudâh zy cha ama yna chhôhpadâhpa chô chaipa lâ khy ei ta.

HMOTAOPAZY 1:22

Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.

HMOTAOPAZY 1:9

Cha biezy cha a rei khai nahta, ama hmô thlâh ha nota, avâ lâ a chhipa ta y ta, meihdo ta ama hmô khao leina taihta siekhei ha ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

KALATIA 1:1

Kei, lyuhchâpa Pawla, chyhsa tuapa châ leipa ta, chyhsa zawhzi ta châ hra leipa ta, Zisu Krista nata thina tawhta Zisu a pathyutuhpa Paw Khazohpa zawhzi ta lyuhchâpa rai a hriapa nata

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

2 PITY 3:2

Chatanachata hrohsopa pathaihpazy biereipa nata nama lyuhchâpazy hmâpa ta Abeipa nata Pachhatuhpa biepiepa cha namâ thei thlâh ha aw.

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:29

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.

BIEPHUAH 3:13

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 3:16

Sah lâlao lei, chakua lâlao lei, phiephuh lalôhpa dei na châpa vâta, ei pakah tawhta ei cha pachhao aw.

BIEPHUAH 3:22

Thlahpa ta Awnanopazy hnohta bie a reipa he, nakhaoh a hneipa ta thei mawh sy,’ a tah na,” tahpa ta.