HMOTAOPAZY 1:14 - Mara Bible RV (BSI)

¹⁴ Cha sahlao zydua cha chanôzy nata Zisu nô Mâri nata Zisu unawhzy chhaota, palôh a raohpa ta, phahnai khoh ngaitapa ta thlahchhâ tyh ei ta.

HMOTAOPAZY 1:14 Cross References

MATHAI 12:46

Zawpizy hnohta bie a rei hai nota, a nô nata a unawhzy ta ano cha bie a chho khoh ei ta, khôtho liata a duah ei ta.

MATHAI 21:22

Namâ ngiapâ khiahta cha, thlahchhâna ta nama hiapa maih nama hmô aw,” tah ta.

MATHAI 27:55

Cha liata chanô hluhpi, Zisu deichhy lymâpa ta Kâlili tawhta a vaw zipazy y ei ta, lâhlapi tawhta sai ei ta.

MÂKA 15:40

Lâhla tawhta a saipa chanôzy chhao y ei ta, chazy hry liata Mâri Mâdali, Zâmie seihnai viapa nata Zôse zy nô Mâri nata Salômi zy amâ hlao hra.

MÂKA 16:1

Pahânoh a chhâ nahta, Mâri Mâdali, Zâmie nô Mâri nata Salawmi zy cha, Zisu sathawthu awpa ta ropahâhpa chalei ei ta.

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

LUKA 23:49

Zisu hmiapahnopa zydua nata Kâlili tawhta a vaw zipa chanôzy cha, lâhlapi ta a duah ei ta, cha hmozy cha sai ei ta.

LUKA 23:55

Kâlili tawhta Zisu a vaw zipa chanôzy chhao khata Zawsi cha zi ei ta, thlâ nata a ri pabunazie zy cha hmô ei ta.

LUKA 24:10

Mâri Mâdali, Zôanâ, Zâmie nô Mâri nata ama hnohta a ypa chanô hropazy ta a thyuheihna thâtih cha lyuhchâpazy kei chho ei ta.

LUKA 24:33

Cha dawh lia tlai chata thyu ei ta, Zerusale lâ a lie ei ta. Pahrawh hleikhazy nata ama viasazy cha hmaohkha ta ama ypakhypa hmô ei ta.

LUKA 24:53

Achhyna o liata khâ y ei ta, Khazohpa ama reithai tyh.

LUKA 8:20

A hnohta, “Na nô nata na unawhzy ta châ hmô khoh ei ta, khôtho liata amâ duah thlâh haw,” tahpa ta chho ei ta.

HMOTAOPAZY 2:1

Pentikaws noh a vaw tlô nahta, ama zydua ta su kha liata y pakhy khai ei ta.

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 6:4

Keimo deikua cha thlahchhâna nata bie chho chakaona liata eima daihti eima hmâh aw,” tah ei ta.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

1 KAWRINI 14:13

Chavâta reihtheileipa ta bie a reihpa ta a chhopasia thei nawpa ta thlahchhâ mawh sy.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

KAOLAOSÂ 4:2

Thlahchhâ lylia u la, nama thlahchhâna liana chata alyna bie reih u la, a hrohrua teh u.