HLAZY 99:8 - Mara Bible RV (BSI)

⁸ Hy Abeipa eima Khazohpa, Ama paraona vâta na hrie tyhpa chhao ei ta, Âmo cha a chhy heih tyh chi ta, Âmo a ngiahthaituhpa Khazohpa na châ.

HLAZY 99:8 Cross References

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

HLAZY 78:38

Chatahrasala ano cha thapasana ta a biepa a châpa vâta, Ama paraona cha a ngiahthai ta, Âmo cha pahleipadia vei. A hiehâhna ei hluhpi padia ta, A pathiiana zydua pathyu khoh vei.

HLAZY 89:33

Châhrasala ei kyhpachâna tleih beih leipa cha, Ano tawhta la leipa aw na ta; Ei ngâchhihna ama chô liata tleih beih aw vei.

PUASAINA 32:2

Arawna ta ama hnohta, “Nama lapinôzy, nama sawchapawzy nata nama sawchanôzy ta ama nakao liata amâ bapa ngôh rahyzy pahluh u la, kei lâ vaw chei teh u,” tah ta.

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

BIECHHOTUHPA 7:29

He he ei hmô chhôhpa cha a châ: Khazohpa ta chyhsapa he chyhsa dopa châ awpa ta tao ta, châhrasala hmo chhiepa to ama patuapalua tyh.

ZEREMIAH 46:28

Hy nâ chakaotuhpa Zakaw, chi khah y, Ei cha ypâ mâh tâh. Ei cha to papuana phopi zydua cha, Tlokhuh ei pachhâsa aw ei; Nâ deikua cha tlokhuh cha pachhâsa aw va na. Hrie leipa ta deikua y leipa aw chi ta, Dâh dopa ta ei cha chhorei aw,” Abeipa ta a tah.

ZEPHANIA 3:7

Khihpi hnohta, ‘Na chi hmeiseih la, Chhoreina a pyh mah y; Chatanachata na pahrâna su paraopa châ leipa aw ta, Nâma hrie nawpa ta ei raopa chhao, Na chô liata vaw tlô aw vei,’ tah na ta, Châhrasala hmo ama tao via nahta, Ama parao via rili.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

MALUHREINA 20:24

“Arawna cha a chiheihzy hnohta pahlyhpa a châ aw. Meribâ tizy liata ei biepiepa namâ dyuhpa vâna khata, Izarei sawzy ei piepa râh liata a ngia aw vei.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RYHPACHANEINA 3:26

Châhrasala nâmo vâta ei chô liata Abeipa a pathi ia ta, na nathlie khoh vei. Abeipa ta ei hnohta, ‘Â daih, cha kyh cha na chho khao khah y.