HLAZY 99:5 - Mara Bible RV (BSI)

⁵ Abeipa eima Khazohpa cha pachônôsa u la, A phei thaby liata a bôh teh u! Abeipa cha a pathaih na!

HLAZY 99:5 Cross References

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

HLAZY 107:32

Phopi pakhypi liata ano cha reithai ei sala, Machâzy pakhypi liata ano cha reithai mawh ei sy.

HLAZY 108:5

Hy Khazohpa, avâzy chô lâta cheihchalopa ta y la, Na rônahna leilô zydua bie mawh sy!

HLAZY 118:28

Hy Abeipa, nâ cha ei Khazohpa châ chi ta, Alyna bie ei cha hlâ aw; Ei Khazohpa châ chi ta, Ei cha palyupalih aw.

HLAZY 132:7

“A pahrâna su lâ vawh sih la, A pheitlyna thaby liata a bôh ei suh u!” eima tah.

HLAZY 21:13

Hy Abeipa, na thatlôna liata palyupalihpa ta y aw chi ta, Na hmotaotheina reithaipa ta hla eima sa aw.

HLAZY 34:3

Abeipa cha na cheihchalokhei u la, A moh palyupalih khoh suh vy!

HLAZY 99:3

Na moh rônahpa nata zachhihpa cha reithai mawh ei sy! Abeipa cha a pathaih na!

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

ISAI 12:4

Cha noh liata hetana heta nama tah aw: “Abeipa lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

THEIHTHAINA 19:2

“Izarei zawpi zydua chho la, ama hnohta hetana heta reih teh: Kei Abeipa nama Khazohpa he pathaih tlôh na ta, chavâta nâmo chhao nama pathaih awpa a châ.