HLAZY 97:6 - Mara Bible RV (BSI)

⁶ Avâzy ta a siana phuah ei ta, Phopi to ta a rônahna ama hmô.

HLAZY 97:6 Cross References

2 SAMUELA 22:47

“Abeipa cha hroh ta, Ei lôpanô cha reithaipa ta y mawh sy; Ei Khazohpa cha palyupalihpa ta y sala, Ei pachhana lôpanô cha palyupalihpa ta y mawh sy.

HLAZY 19:1

Avâzy khita Khazohpa rônahna phuah ei ta, Vâruapa khita a kuzôthaina a palâsa.

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

HLAZY 67:4

Râhzy ama thapha sala, Alyna hla sa mawh ei sy; Nâ cha phopizy â khongâhpa ta pachia chi ta, Khizaw râhzy a chhihthatuhpa na châ. Selah

HLAZY 89:2

“Na kyhpachâna tleih beih leipa cha, Chhâzaw ta a duah aw ta, Avâzy liata na ngâchhihna na pa-i aw,” tah na ta.

HLAZY 89:5

Hy Abeipa, avâzy ta na hmonoâhpazy reithai ei sala, Mopathaihpazy pakhypi liata na ngâchhihna reithai mawh ei sy!

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 40:5

Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

ISAI 45:6

Chatanachata kei he Abeipa châ na ta, Keima leipa ta Abeipa hropa y leipa ei ta, Abeipa hropa rai y veih ei tahpa cha, Noh chhina su tawhta noh tlana su taihta Chyhsazy ta ama pahno khai aw.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

MALUHREINA 14:21

Châhrasala ei hrona reipa ta ei reih; leilô zydua he Abeipa rônahna ta a bie aw.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.