HLAZY 97:3 - Mara Bible RV (BSI)

³ A hmia lâta mei sie ta, A chheipâh liata a khakhaipazy a kâ khai ha ei.

HLAZY 97:3 Cross References

HLAZY 18:8

A hnapasu tawhta meikhuh puapa ta, A pakah tawhta meipaleih pua ta, Ano tawhta meiia a vaw pua.

HLAZY 18:9

Avâzy pahnaipa ta za chô ta, A phei ry liata zoh kaluhna a y.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

EZEKIA 1:4

Moh na ta, maw lâ tawhta thlihpipa a vaw pathlipa nata meihdo chhakaluhpa hmô na ta. Meihdo tawhta dôhla mei â zaopa ta vaw pua ta, meihdo cha khaihna ta chadô ta. Mei liah liata thua patliepa a lyupa y ta.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

HABAKU 3:5

Hripipa a hmia lâta sie ta, Potlana ta a pazi laih.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.

RYHPACHANEINA 4:11

A vaw hnia ei chi ta, tlâh thaby liata a vaw duah ei chi ta, tlâh cha mei ta kâ ta, a meipaleih avâ liahmari taih tlô ta. Meihdo vyhpa nata zoh kaluhpa ta tlâh cha pahly ta.

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

RYHPACHANEINA 5:4

Abeipa ta tlâh liata mei hry tawhta hmiachhypa ta bie châ chho ei ta.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 12:29

eima Khazohpa he a kâ patlô theipa mei châ tlôh ta.

BIEPHUAH 11:5

Ahy rai ta âmo cha pasasa amâ chhuah khiahta cha, ama pakah tawhta mei vaw pua aw ta, ama khakhaipazy cha a kâ khai aw. Âmo pasasa a chhuahpa maih cha, cha hawhta thiepa ama châ aw.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.