HLAZY 95:8 - Mara Bible RV (BSI)

⁸ Meribâ liata ama taopa hawhna khata, Nama palôh kuh pachha leipa u la, Kha noh ta Mâsâ râhchawhpa liata ama taopa hawhna khata, Tao hra khuh vy.

HLAZY 95:8 Cross References

PUASAINA 17:2

Chavâta zawpi ta Mawsi cha a hryuh ei ta, “Ti do awpa miah pie teh,” tah ei ta. Mawsi ta ama hnohta, “Khazia einâ hryuh ei chi, khazia Abeipa nama pasia,” tah ta.

PUASAINA 17:7

Izarei sawzy paphôhna vâta nata, “Eima hry liata Abeipa a y ma, y vei ma?” tahpa ta Abeipa ama pasiapa vâta, cha su cha a moh Mâsâ nata Meribâ a bi.

PUASAINA 8:15

Châhrasala Phiraoh ta huhiehna a vaw ypa a hmô nahta, a palôh kuh a pachha ta, Abeipa ta a rei hapa hawhta, ama bie nathlie khoh heih vei.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 14:27

“He zawpi moleipa, ei chô liata a paphôh ngâ thlâh hapazy he, khachâ ma ei chhyh thai aw ei? Izarei sawzy paphôhna, ei chô liata ama paphôhnazy he ei thei haw.

MALUHREINA 20:13

Cha cha Meribâ tizy châ ta, cha liata Izarei sawzy ta Abeipa a hryuh ei ta, Abeipa ta ti hmâpa ta ama hry liata â palyupalihna su a châ.

HMOTAOPAZY 19:9

Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RYHPACHANEINA 6:16

“Mâsâ liata nama pasiapa hawhna khata Abeipa nama Khazohpa cha nama pasia awpa châ vei.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.

1 SAMUELA 6:6

Izi mo nata Phiraoh ta palôh kuhchhapa ta ama ypa hawhna khata, khazia nama palôh kuh nama pachhasa hra aw? Khazohpa ta Izi mo kha pasa kawpa ta hria ta, cha khai tawhta Izarei sawzy kha pasiesa ei ta, ama pua hapa kha pahno veih ei chi ma?