HLAZY 94:23 - Mara Bible RV (BSI)

²³ Ama paraonazy viarithô aw ta, Ama moleinazy vâta âmo cha a pamua khai aw; A châ na, Abeipa eima Khazohpa ta a pamua khai ha aw ei.

HLAZY 94:23 Cross References

2 ABEIZY 19:7

Pachâ teh, a chhôh liata thlahpa soh aw na ta, bie pathâhpa a thei aw. Chatanachata a râh lâ a lie aw ta, ano râh liata zaozi ta ei papaosa aw,’ tahpa ta,” tah ta.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

ESTHERI 9:25

Châhrasala cha thâtih cha abei kô a vaw tlô nahta, Zuzy tei nawpa ta hmo chhiepa tao â chhuahpa cha, ano luh chô liata a lie thlupa ta, ano nata a sawchapawzy cha, paaosaona tho tlâh liata paaosao awpa ta ropa ta tlao bie a pie haw.

HLAZY 109:20

Cha hawhna chata nâ leihtuhpazy cha Abeipa ta thô sala, Ei chô liata bie chhiepa a reihtuhpazy cha thô mawh sy!

HLAZY 12:3

Abeipa ta hmiahmôchâna hmaozy chhawh pathlah sala, Apalaina paleih chhao chhawh pathlah sala,

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 64:8

Âmo paleihzy ta âmo cha a lie thlupa ta, Paraopa ta y aw ei ta; A hmôpa maihta ama luh ama chahuah chie aw.

HLAZY 7:16

A hrochhiena ta ano luh chô liata a vaw lie thlu ta, A nôchhiena ta ano luh ru liata a tla thlu.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIESOZY 2:22

Hmoparaopazy deikua cha râh tawhta chhawh pathlahpa châ aw ei ta, Piehpiepazy cha râh tawhta phiapa ama châ aw.

BIESOZY 5:22

Hmoparaopa cha a paraona khoheih liata a ao aw ta, A moleina chaori ta â ipa ta a chahry aw.

BIESOZY 5:23

Pachuna a phahlapa vâta thi aw ta, A hru tupa vâta a leidia aw.

ZEREMIAH 36:31

Ama paraona vâta, ano nata a chipathlazy nata a chakaotuhpazy ei hrie aw ei. Ama chô liata chhiena patlôsa awpa ta phuah na ta, châhrasala ama nathlie khoh leipa zydua kha, âmo nata Zerusale khihsawzy nata Zudâh râhsawzy chô liata ei vaw patlôsa aw.’”

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

DÂNIAH 7:24

“‘Ki hrawhpazy kyh liata hetana heta a tah: He khinarâh tawhta bei hrawh vaw pua aw ei ta, Âmo hnôh lâta bei hropa a vaw pua aw; Bei tuapazy nata a nano aw ta, Bei pathôhpazy cha a panawh aw ei.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

RYUREITUHPAZY 9:57

Sekhe chyhsazy moleina zydua chhao, Khazohpa ta viari thôpa ta ama luh chô liata palie thlusa ta, Zerubâlâ sawchapawpa Zôthâ chhiesana ama chô liata a vaw tlô hapa a châ.