HLAZY 94:14 - Mara Bible RV (BSI)

¹⁴ Abeipa ta a phopi siesai leipa aw ta, A ryuto cha thy aw vei.

HLAZY 94:14 Cross References

HLAZY 34:12

Nama hry liata ahy rai ta, Hrona tlaichhai sala, Noh hluhpi hro awpa khopa ta, Phana na hmô khoh khiahta cha,

HLAZY 37:28

Abeipa cha ryureina dopa khoh ta, A mopathaihpazy a heihsai beih leipa ta, Chhâzaw ta a hrôbieh ei. Moleipa pathlazy deikua cha, Chhawh pathlahpa ama châ aw.

HLAZY 74:2

Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.

HLAZY 94:5

Hy Abeipa, na phopi chanaoh ei ta, Na ryuto ama tlybai.

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

THEIHTHAINA 26:44

Chatahrasala ama chariahpazy râh liata ama y no chhao ta, âmo pahleipadia awpa nata ama hnohta ei biehrai parao awpa ta, âmo cha thy leipa aw ei na ta, a hao hra aw veih ei na, kei he Abeipa ama Khazohpa châ tlôh na ta.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.