HLAZY 91:2 - Mara Bible RV (BSI)

² Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh.

HLAZY 91:2 Cross References

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

HLAZY 14:6

Dyhchhiepa achhuahna pachhiepahru ei chi ta, Châhrasala Abeipa cha â bohna châ tlôh ta.

HLAZY 142:5

Hy Abeipa, cha aw na ta, “Ei chhaina châ chi ta, Ahrohpa râh liata ei tovyuh na châ,” ei cha tah.

HLAZY 142:6

Ei awna he nathlie mah y, Thata panawhpa ta ei y hih! Nâ taolatuhpazy tawhta na pachha mah y, Kei châta ama tha a tlô tu haw!

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 18:3

Reithai tlâh Abeipa cha pado na ta, Ei chariahpazy tawhta pachhapa ta ei y.

HLAZY 25:2

Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

HLAZY 31:15

Ei daihtizy na ku liata y ta, Ei chariahpazy ku tawhta na pachha la, Nâ taolatuhpazy ku tawhta na pachha mah y!

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 46:2

Chavâta leilô he a vaw nanopa ta, Tlâhzy tilaipi chhôh lâ a pasie hra sala, Chi aw ma pi.

HLAZY 48:14

Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.

HLAZY 61:5

Hy Khazohpa, ei bietaizy thei ha chi ta, Na moh a chituhpazy ryuto eina patosa ha chi.

HLAZY 71:3

Khâ ei pangai tyh awpa, Ei chhaina lôpanô na châpa la; Ei lôpanô nata ei thokhy châ chi ta, Na pachha awpa ta biepie mah y.

HLAZY 91:9

Abeipa cha na pahrâna châta hmâh chi ta, Chônôchaipa cha nâ chhaina ta na hmâpa vâta,

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ZEREMIAH 31:1

“Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

LUKA 20:38

Khazohpa cha athihpazy Khazohpa châ vei, ahrohpazy Khazohpa a châ. Chyhsa zydua he ano châta a hrohpa châ khai tlôh ei ta,” tah ta.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.