HLAZY 90:10 - Mara Bible RV (BSI)

¹⁰ Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.

HLAZY 90:10 Cross References

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

ÂTHAONA 6:3

Chatawhcha Abeipa ta, “Ei thlahpa he chyhsapa hnohta chhâzaw ta y aw vei, ano cha thi theipa châ tlôh ta, a hro chhôh nohzy cha kô 120 a châ aw,” tah ta.

2 SAMUELA 19:35

Tanoh he kô sycharie châ ha na ta, hmo chhiepa nata hmo phapa chhao ei pachhaih thai khao ma? Châ chakaotuhpa heta ei niepa nata ei dopazy a pahâh nata pahâh lei zy ei pahno khao ma? Chapaw hlasathaipazy nata chanô hlasathaipazy ao chhao ei thei thei khao ma? Châ chakaotuhpa he khazia ma ei zibeipa abei châta phaori a baichhatuhpa ei châ aw?

2 SAMUELA 19:36

Châ chakaotuhpa he abei Zawdâh chaka khei ta, lâcho rakha taih deita cha vaw pathlie awpa ei chhuah. Khazia abei ta phana ty cha cha hawhta eina thô cheingei aw tly?

1 ABEIZY 1:1

Bei Dâvi cha machâ ha ta, a kô chhao uhthei kaw bâ ta. Pohzy ama bupa chhao ta lalôh thei khao leipa ta.

ZAWBÂ 14:10

Chyhsapa deikua cha thi ta, zaotla ta; A hu chhâ ta, y khao vei.

ZAWBÂ 20:8

Mâ hawhta a zaw aw ta, Hmôpa châ khao leipa aw ta, Zâ aluahna hawhta chadai paipa a châ aw.

ZAWBÂ 24:24

Bohpi leipa chhôh cheihchalopa ta y ei ta, Ama leidia; Pahnaipa châ ei ta, La papuapa ama châ; Chhâmeih su hawhta khypa ama châ.

ZAWBÂ 5:7

Chyhsapa cha a tymâ awpa ta vaw pih ta, Meihlih hawhta chô lâ â zaw syulyu tyh.

HLAZY 78:39

Chyhsapa deita ama châ tahpa a thei thlâh ha ta, Thlih khô ta a vaw kua khao leipa hawhta ama châpa â thei thlâh haw.

ISAI 38:12

Mietaku vaituhpa poh o hawhta, Ei pahrâna phiapa ta kei tawhta pasiepa châ ta; Thaisatuhpa thai lopa hawhta, Ei hrona cha loh na ta, Thai tawhta eina tai pachhô haw. Chhô tawhta zâ lâ pangaipa ta, Chhâna lâ einâ chhi chi.

THEIHTHAINA 27:7

Kô sycharu tawhta chô lâ a châ khiahta cha, chapaw mâ sekel tlaw hrawh hlei pangawh, chanô mâ sekel tlaw hrawh a châ aw.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

RYHPACHANEINA 34:7

Mawsi cha a thi nota kô 120 uhtheipa a châ. A mo zoh leipa ta, a tha tleih vei.

ZÂMIE 4:14

mylâ khâpa hmo ma a y aw tahpa pahno tlôh ei chi va. Nama hrona cha khâpa ma a châ? Tihu buakha a vaw lâ ta, a lei heihpa hawh dei mah nama châ tâh.

ZAWSUA 14:11

Chatanachôta Mawsi ta eina tua daihti hawhna khata tahmâ chhao ei tha y chy ta, chariah a dyuh awpa nata puaei awpa ta, eikhano ta tha ei hneipa hawhna khata tahmâ chhao ei hnei chy.