HLAZY 9:4 - Mara Bible RV (BSI)

⁴ Ei dona nata ei bie nâ duakheipa ta, Beidyuchhai liata a tyuh chi ta, Pachiana dopa ta na pachia tyh.

HLAZY 9:4 Cross References

1 ABEIZY 8:45

ama thlahchhâna nata ama hiana cha vârâh liata vaw nathlie la, ama chhâh a châ mah y.

HLAZY 140:12

Abeipa ta pasa a taopazy â duakhei aw tahpa pahno na ta, Phahlapazy châta amâ dona â duakhei aw tahpa ei pahno.

HLAZY 16:5

Abeipa, nâ cha ei vyuh nata ei nyu châ chi ta, Ei tovyuh na pabohsa tyh.

HLAZY 47:8

Khazohpa cha râhzy chô liata ryureituhpa châ ta, Khazohpa cha beidyuchhai pathaihpa liata a tyuhpa a châ.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.