HLAZY 9:14 - Mara Bible RV (BSI)

¹⁴ Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

HLAZY 9:14 Cross References

HLAZY 106:2

Ahy ma Abeipa hmotao rônahpazy reih thei ta, A reithaina zydua a phuah thei aw?

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 20:5

Na pachhana liata a lypa ta awh sih la, Eima Khazohpa moh ta pahniena pohrai chaluahpa ta, Abeipa ta na hiapa zydua hlao cha patloh mawh sy!

HLAZY 21:1

Hy Abeipa, abei cha na thatlôna liata a ly ta, Na pachhana liata a thapha kaw dia!

HLAZY 22:22

Ei unawhzy hnohta na moh phuah aw na ta, Apakhypazy hry liata ei cha reithai aw.

HLAZY 22:25

Pakhypi rônahpa liata cha reithai aw na ta, Nâma châ chituhpazy hmiakô liata ei bietai ei patlô aw.

HLAZY 35:18

Pakhypi rônahpa liata alyna bie cha hlâ aw na ta, Chyhsa hluhpi hry liata ei cha reithai aw.

HLAZY 35:9

Chatawhcha Abeipa liata ei hro a ly aw ta, A pachhana liata a tha a pha aw.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 51:12

Na pachhana alyna na pie heih la, Thlahpa khona ta na patu thlâh ha mah y.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

HLAZY 6:3

Ei hro nôpo ngaita ta, Hy Abeipa, khati taih a châ aw tly?

HLAZY 75:9

Kei deikua cha, Zakaw Khazohpa thâtih khâ phuah aw na ta, Ano reithaipa ta ei sa aw.

HLAZY 79:13

Keimo na phopi, na sibiepa su liata mietakuzy deikua ta cha, Chhâzaw ta alyna bie cha hlâ aw pi ta; Chhâ zydua ta na reithaina hla eima chanei lymâ aw.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 3:9

Pachâ teh, Izarei sawzy awhpa ao ta ei kô na kaw daih ha ta, cha dei châ leipa ta, Izi mo ta âmo ama tlybaina chhao ei hmô haw.

ISAI 12:3

Pachhana tikhaohzy tawhta, Thaphapa ta ti thaih aw ei chi ta,

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

MIKÂ 4:13

Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

LUKA 1:47

Khazohpa nâ Pachhatuhpa liata ei thlahpa â ly,

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.