HLAZY 9:13 - Mara Bible RV (BSI)

¹³ Hy Abeipa, na ngiachhie la, Thina chhikao tawhta nâ chalotuhpa y, Nâ haotuhpazy vâta pasa ei taona he hmô mah y.

HLAZY 9:13 Cross References

ÂTHAONA 4:10

Abeipa ta a hnohta, “Khâpa hmo ma na tao haw? Na unawhpa thisaih ta chhaohlei tawhta eina kaw aw.

ÂTHAONA 4:9

Chatawhcha Abeipa ta Kainâ hnohta, “Na unawhpa Abela kha zaw?” tah ta. Kainâ ta, “Pahno va na. Ei unawhpa vaituhpa ma ei châ?” tah ta.

1 ABEIZY 21:19

A hnohta, ‘Abeipa ta hetana heta a tah: “Thie chi ta, na hnei pâ ha aw ma?” a tah,’ tah ta. Chatawhcha a hnohta, ‘Abeipa ta hetana heta a tah: “Izy ta Nâbô thisaih ama paliena su liana tlai heta nâma thisai chhao izy ta ama palie aw,” a tah,’” tah ta.

2 ABEIZY 9:26

Abeipa ta, ‘Zâhnia Nâbô thisaih nata a sawchapaw­zy thisaih ei hmô. He su liana tlai heta viari ei cha thô aw,’ a vaw tah hapa a châ. Chavâta tahmâ Abeipa bie hawhta, chalo la, he lei su liana tlai heta thy teh,” tah ta.

2 THÂTIHZYRONA 24:22

Zekaria paw Zehôdâ ta a chô liata phana a palâsa tyhpazy kha Bei Zôasâ ta a thei khao vei. A sawchapawpa a thie haw. Zekaria ta a thi chy ta, “Abeipa ta hmô sala, phuh la mawh sy!” tah ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 10:12

Hy Abeipa, thyu la, Hy Khazohpa, na ku chalo la, Pasataopazy my khah y.

HLAZY 107:18

Ama hro ta niedopa to pasi ta, Thina chhikao amâ hnia via lymâ.

HLAZY 119:132

Na moh a pasôpazy na ngiachhie tyhpa hawhta, Kei lâ a vaw heih la, Na ngiachhie mah y.

HLAZY 119:153

Na ryhpa ei my beih leipa vâta, Ei pasataona he moh la na pachha mah y.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

HLAZY 13:3

Hy Abeipa ei Khazohpa, Na moh la, nâ chhy la, Ei mo pavâsa mah y; Chataleipatala, a môsao pathlei aw na ta,

HLAZY 142:6

Ei awna he nathlie mah y, Thata panawhpa ta ei y hih! Nâ taolatuhpazy tawhta na pachha mah y, Kei châta ama tha a tlô tu haw!

HLAZY 25:19

Nâ chariahpazy ama hluhzie he pachâ la, Thata einâ haonazie ei he pachâ tua.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 38:19

Ei khakhaipazy cha thatlôpa nata pasaiphazy châ ei ta, Âdoleipa ta nâ haotuhpazy ama hluh kaw.

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

HLAZY 56:13

Khazohpa hmiakô liata chareipa ta, Hrona khaihpa liata charei awpa ta, Ei hrona he thina tawhta pachha chi ta, Ei pheizy he ahluana tawhta na pabohsa haw.

HLAZY 86:13

Kyh eina pachâna chi he rônah ta, Athihkhih ry chaipa tawhta ei hro na pachha haw.

ISAI 38:10

Ei locho nota ma sie aw na ta, Ei chhâ ei palo hmâ leina kôzy cha, Athihkhih liata ei hmâh aw? Tahpa ta ei vaw pachâ hmâ haw.

CHAPHÔHTUNA 1:11

A khihsaw zydua a hrô ei ta, Viahchhâ ama tlua; Ama hro a pazao nawpa ta, Ama ryusôhpazy niedo ta ama ri. “Hy Abeipa, pachâ la, moh tua, Mohnaopa ta ei y ha hih.”

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

ZAWHÂNA 2:6

Zuzy ryhpa hawhta pathaina tao nawpa ta, cha liata alô beihrai miacharu, chhiehraôh sypalih a tlôhpa nata sycharu a tlôhpazy patyuh ei ta.