HLAZY 9:1 - Mara Bible RV (BSI)

¹ Hy Abeipa, ei pathipalôh tlokhuh ta cha reithai aw na ta, Na hmotao noâhpa zydua ei phuah aw.

HLAZY 9:1 Cross References

1 THÂTIHZYRONA 16:12

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

1 THÂTIHZYRONA 16:24

Râhzy liata a rônahzie phuah u la, Phopi zydua hnohta a hmotao noâhpazy phuah teh u!

HLAZY 106:2

Ahy ma Abeipa hmotao rônahpazy reih thei ta, A reithaina zydua a phuah thei aw?

HLAZY 111:1

Abeipa cha reithai teh u! Adopa sahlaozy apakhyna liata, Ei palôh tlokhuh ta Abeipa lâ alyna bie ei hlâ aw.

HLAZY 138:1

Hy Abeipa, ei palôh tlokhuh ta alyna bie cha hlâ aw na ta, Khazohzy hmiakô liata nâma reithaina hla ei sa aw.

HLAZY 26:7

Alyna biereina tlâh awhpa ta, Na hmotao noâhpa zydua ei chho aw.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

HLAZY 7:17

Abeipa cha a siana vâta a chô liata alyna bie reih aw na ta, Abeipa Chônôchaipa moh reithaina hla ei sa aw.

HLAZY 86:12

Hy Abeipa ei Khazohpa, Ei palôh zydua ta alyna bie cha hlâ na ta, Chhâzaw ta na moh ei parônahsa aw.

HLAZY 9:14

Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ISAI 60:6

Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

LUKA 10:27

Ano ta, “Abeipa na Khazohpa cha na pathipalôh tlokhuh ta, na thlahpa tlokhuh ta, na thatlôna tlokhuh ta nata na pachâna tlokhuh ta kyh nama pachâ awpa a châ. Nâma kyh nâ pachâpa hawhta na vaih kyh na pachâ awpa a châ, tahpa ta ropa a châ,” tah ta.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!