HLAZY 89:4 - Mara Bible RV (BSI)

⁴ ‘Na chipathla cha tlyzaw châta pa-i aw na ta, Na beidyuchhai chhao chhâ zydua châta ei padua aw,’” na tah. Selah

HLAZY 89:4 Cross References

2 SAMUELA 7:29

Chavâta châ chakaotuhpa pathlazy châta byhnâ awpa cha nâ lyna châ mawh sy. Chatanachata châ chakaotuhpa pathlazy cha na hmiakô liata chhâzaw ta ama y thei aw. Hy Abeipa Zehôvâh y, nâ ta reih ha chi ta, nâ ta byhnâ na aw hapa vâta, châ chakaotuhpa pathlazy cha chhâzaw ta vânoh topa ta y mawh ei sy,” tah ta.

1 ABEIZY 9:5

na paw Dâvi hnohta, ‘Izarei beidyuchhai liata a tyuh awpa na pathla tawhta chie aw veih ei,’ tahpa ta bie ei vaw taih hapa hawhta, Izarei chô liata nâ beina beidyuchhai cha chhâzaw ta ei pa-i aw.

1 THÂTIHZYRONA 22:10

Ano ta ei moh châta o a sa aw. Ano cha ei sawchapawpa châ aw ta, kei a paw ei châ aw. Â beina beidyuchhai cha Izarei râh liata chhâzaw châta ei padua aw,’ tahpa ta na chho ha ta.

1 THÂTIHZYRONA 28:4

Chatahrasala Abeipa Izarei Khazohpa ta, kei he Izarei bei ta chhâzaw ta y awpa ta, ei paw chhôhkha zydua hry tawhta nâ tlyh ta. Zudâh cha chhituhpa châta a tlyh ta, Zudâh chi tawhta ei paw chhôhkha a tlyh ta, ei paw sawchapawzy hry tawhta kei cha Izarei zydua chô liata bei châ awpa ta a ly kawpa ta nâ tlyh ta.

HLAZY 132:11

Abeipa ta Dâvi hnohta hetana heta bie a taih ha ta, A bietai pathleih aw vei: “Na sathei pakha na beidyuchhai liata patyu aw na ta,

HLAZY 132:12

Na sawzy ta ei biehrai zyhpa ta, Âmo ei pachu awpa ei bieraopazy ama zyh khiahta cha, Ama sawzy chhâzaw ta na beidyuchhai liata amâ tyuh lymâ aw.”

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

HLAZY 89:1

Abeipa kyhpachâna tleih beih leipa cha, Chhâzaw ta hla ta sa aw na ta; Na ngâchhihna cha, Chhâ zydua liata ei pakah ta ei pahnosa aw.

HLAZY 89:29

A chipathla tlyzaw ta padua aw na ta, Avâ y chhôh zydua a beidyuchhai â duah lymâ aw.

HLAZY 89:36

A chipathla tlyzaw ta a duah aw ta, Ei hmiakô liata noh a y chhôh zydua cha, A beidyuchhai â duah lymâ aw.

HLAZY 89:50

Hy Abeipa, châ chakaotuhpazy pahneisaopa ta eima ypa he a thei la, Râh zydua pasipasawhna ei palôh liata ei taopazy he a thei mah y.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

RAWMA 15:12

Isai chhao ta, “Zese thari kaw pyuh aw ta, Zenitaizy ryureituhpa a vaw pua aw; Ano liata Zenitaizy hnabeiseihna a y aw,” tahpa ta a vaw reih hra.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.