HLAZY 89:2 - Mara Bible RV (BSI)

² “Na kyhpachâna tleih beih leipa cha, Chhâzaw ta a duah aw ta, Avâzy liata na ngâchhihna na pa-i aw,” tah na ta.

HLAZY 89:2 Cross References

NEHEMIAH 1:5

“Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 119:89

Hy Abeipa, na bie cha chhâzaw ta y ta, Vârâh liata â i ngaitapa ta â duah thlâh haw.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 36:5

Hy Abeipa, na zawngiahna cha avâ kaw daih ta, Na ngâchhihna ta meihdo taih a kaw tlô.

HLAZY 40:11

Hy Abeipa, na zawngiahna hmô awpa na pakhâ leipa la, Na kyhpachâna tleih beih leipa ta na pabohsa sala, Na ngâchhi­hna ta khâ na pabohsa mawh sy!

HLAZY 42:1

Sakhi vahtie ti vâpa ta a pahlapa hawhta, Hy Khazohpa, nâma vâpa ta ei hro a pahla.

HLAZY 89:37

Thlâpâ hawhta tlyzaw ta a duah aw ta, Avâ liata pahnokheituhpa ngâchhihpa ta a y aw.” Selah

HLAZY 89:5

Hy Abeipa, avâzy ta na hmonoâhpazy reithai ei sala, Mopathaihpazy pakhypi liata na ngâchhihna reithai mawh ei sy!

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 24:35

Lei nata vâ a lei aw, ei biezy deikua lei aw vei.

LUKA 1:50

A zawngiahna cha ano a chipazy châta châ ta, Chhâzaw nata tlyzaw ta a y aw.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.