HLAZY 89:1 - Mara Bible RV (BSI)

¹ Abeipa kyhpachâna tleih beih leipa cha, Chhâzaw ta hla ta sa aw na ta; Na ngâchhihna cha, Chhâ zydua liata ei pakah ta ei pahnosa aw.

HLAZY 89:1 Cross References

1 ABEIZY 4:31

Chyhsa zydua hlâta so via ta, Ezrâ pathla Ethâ hlâta so via ta, Mâhô sawchapawpa Hemâ, Kâkaw nata Dâdâ zy hlâ chhao ta so via ta, a chheipâh râh zydua hry liata a mo thata a pathâh.

1 ABEIZY 5:11

Sawlawmaw ta Hirâ chhôhkhazy nie awpa ta sâh kachu 20,000 nata sathaw chariehpa kachu 20,000 a pie. Cha hawhna chata Sawlawmaw ta Hirâ cha kô chareih ta a pie lymâ.

1 THÂTIHZYRONA 2:6

Zerâ sawcha­pawzy cha Zimri, Ethâ, Hemâ, Kâkaw nata Dârâ zy châ ei ta, ama zydua ta papangawh ama châ.

HLAZY 101:1

Ngâchhihna nata adona kyh hla ta sa aw na ta, Hy Abeipa, nâma reithaipa ta ei sa aw.

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 119:90

Na ngâchhihna chhâ zydua châta a daih ta, Leilô he tao chi ta, Â ipa ta â duah lymâ.

HLAZY 36:5

Hy Abeipa, na zawngiahna cha avâ kaw daih ta, Na ngâchhihna ta meihdo taih a kaw tlô.

HLAZY 59:16

Kei deikua cha na thatlôna hla sa aw na ta, Na kyhpachâna tleih beih leipa kyh Mydi ta a paropa ta ei sa tyh aw. Nâ cha ei thokhy châ chi ta, Ei nôpona noh ta ei chhaipa na châ.

HLAZY 71:8

Ei pakah he nâma reithaina ta bie ta, Nâma palyupalihna ta noh y ta a bie.

HLAZY 88:11

Na kyhpachâna tleih leipa thlâ liata phuah ei ta, Na ngâchhihna Chhokhih liata ama phuah tyh ma?

HLAZY 89:24

Ei ngâchhihna nata ei kyhpachâna a hnohta y aw ta, Ei moh vâta a ki cheihchalopa ta a y aw.

HLAZY 89:33

Châhrasala ei kyhpachâna tleih beih leipa cha, Ano tawhta la leipa aw na ta; Ei ngâchhihna ama chô liata tleih beih aw vei.

HLAZY 89:49

Hy Abeipa, na kyhpachâna tleih beih leipa kha, Khataih liata a y haw? Hmeiseihpa ta Dâvi hnohta bie nâ taihpa kha, Khataih liata a y haw?

HLAZY 89:8

Hy Zehôvâh Khazohpa Atotaotheipa, Hy Abeipa, nâ hawhta thatlôpa he ahy ma y ta, Nâ hawhta ngâchhihna ta a chadôpa he ahy ma a y?

HLAZY 92:2

My ta na kyhpachâna tleih beih leipa phuah na ta, Zâ ta na ngâchhihna ei phuah tyh.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

CHAPHÔHTUNA 3:23

Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.