HLAZY 88:4 - Mara Bible RV (BSI)

⁴ Khaohtlô lâ a zu awpazy hry liata rei pâpa châ na ta, Tha a hnei khao leipa chyhsa ei châ.

HLAZY 88:4 Cross References

ZAWBÂ 17:1

Ei thlahpa keichheihpa ta, Ei nohzy lei ta; Kei châta thlâ â mâ haw.

HLAZY 143:7

Hy Abeipa, thlai na chyhei mah y! Ei thlahpa a panao ha hih! Na hmia na nyusai khah y, Chataleipatala khaohtlô lâ a zupazy hawhta ei y pathlei aw na.

HLAZY 28:1

Hy Abeipa, cha pado na ta, Hy ei lôpanô, kei lâta na nah pâ khah sy; Chataleipatala, einâ chalihsai khiah chi ta cha, Khaohtlô liata a tlapa hawhta ei châ pathlei aw na.

HLAZY 30:9

Khaohtlô lâ zu hraw sah la, Ei thina liata khâpa athôhna a y aw? Dohlei ta cha reithaipa ta, Na ngâchhihna bie a chho aw ma?

HLAZY 31:12

Athipa hawhta mypa ta y na ta, Beih keipa hawhta ei châ haw.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

CHAPHÔHTUNA 3:15

Sihnâ khapazy ta ei rih na pabie ta, Thohna khapa ti eina parisa.

EZEKIA 26:20

hlâno chyhsa khaohtlô lâ a zu hapazy hnohta cha pazusa aw na ta, alei ry liata ei cha pahrâsa aw. Khaohtlô lâ a zu hapazy hnohta, hlâno tawhta roryhrapa ta a y hapa khaohtlô liata ei cha pahrâsa aw. Chyhsa pahrâna châ khao aw va chi. Ahrohpazy râh liata deikua cha, ei chhithaina ei chareisa aw.

ZAWNA 2:6

Tlâhpizy thaby lâ zu na ta, Alei ta leitlâhzy hmâpa ta, Chhâzaw ta eina hraikhôh haw; Chatanachôta Hy Abeipa ei Khazohpa, Ei hrona cha khaohtlô tawhta na thaoh haw.

RAWMA 5:6

Eima chiehlei nona khata, Krista cha moleipazy vyuhpa ta a daihtita liata thi ha ta.

2 KAWRINI 1:9

Hmeiseihta la, thi awpa ta eimâ pachâ hapa a châ. Châhrasala keimo a ngâ leipa ta, athihpa pathyutuhpa Khazohpa eima ngâ thei nawpa ta, kha hmo kha a vaw ypa a châ.

2 KAWRINI 13:4

Chiehleipa ta khaipâpa châ ta, châhrasala Khazohpa hmotaotheina ta a hroh. Keimo chhao ano liata chiehleipa châ pi ta, châhrasala nâmo eima cha chakaopa vâna heta, Khazohpa hmotaotheina topa ta a hnohta eima hroh hra aw.