HLAZY 88:3 - Mara Bible RV (BSI)

³ Ei hro he nôpona ta bie ta, Ei hrona chhao Athihkhih â hnia ha bâ.

HLAZY 88:3 Cross References

ZAWBÂ 33:22

A thlahpa khaohtlô a hnia via lymâ ta, A hrona chhao thina a tlôkheituhpazy â hnia via lymâ.

HLAZY 107:18

Ama hro ta niedopa to pasi ta, Thina chhikao amâ hnia via lymâ.

HLAZY 107:26

Avâ lâ kiah ei ta, Âthupa lâ chô heih ei ta; Nôpona vâta ama riahphana a lei khai ha tyh.

HLAZY 17:1

Hy Abeipa, adona bie thei la, Ei cha awna he nathlie mah y! Dôveina a y leipa ei hmao tawhta thlahchhâna lâ Na nah pachôh mah y!

HLAZY 77:2

Ei nôpona noh liata Abeipa tlua na ta, Zâ ta chhao ei ku pathla leipa ta ei pazawh lymâ; Ei hro he thlapalôh thei awpa châ khao vei.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.