HLAZY 86:8 - Mara Bible RV (BSI)

⁸ Hy Abeipa, khazohzy hry liata nâ hawhpa rai y leipa ei ta, Na hmotaopa hawhta a taopa rai y veih ei.

HLAZY 86:8 Cross References

2 THÂTIHZYRONA 2:4

Pachâ teh, Abeipa ei Khazohpa moh châta o sa awpa ei chhuah. Cha o cha Zehôvâh Khazohpa hmiakô liata ropahâhpa rao nawpa châta zy, viahchhâ chaluahpa so tyh nawpa châta zy, Izarei châta chhâzaw châta raopa Pahânoh, thla thiehpa nata Abeipa eima Khazohpa kyhchhi nohzy liata, my nata zâ ta raopa hlânazy hlâ nawpa châta a châ.

HLAZY 135:5

Abeipa cha a rônah tahpa pahno na ta, Eima Beipa cha khazoh zydua chô lâta a ypa a châ tahpa ei pahno.

HLAZY 136:4

Hmonoâh rônahpazy taotuhpa a y chhôhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 89:6

Avâzy liana khita Abeipa pakhopâ thei awpa ahy ma y ta, Abeipa hawhpa he vâmozy hry liata ahy ma a y?

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

HLAZY 89:8

Hy Zehôvâh Khazohpa Atotaotheipa, Hy Abeipa, nâ hawhta thatlôpa he ahy ma y ta, Nâ hawhta ngâchhihna ta a chadôpa he ahy ma a y?

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 8:6

Chatanachata Arawna ta Izi râh liata tizy chô liata a ku pazawh ta, uphawhzy kaw pua ei ta, Izi râh ama bie khai haw.

ISAI 40:18

Cha hawhpa khiahta cha, Khazohpa cha ahy nata ma pakho aw ei chi ta, Khâpa nata ma nama pakho aw tly?

ISAI 40:25

“Ahy nata ma na pakho aw ei chi ta, Ahy tlu ta ma eina rao aw ei chi?” Mo Pathaihpa ta a tah.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

RYHPACHANEINA 3:24

‘Hy Abeipa Zehôvâh, châ chakaotuhpa he na rônahna nata na ku thatlôna pahmôsa chi ta, avâ liata tlyma, alei liata tlyma, na raihriazy he kheihawhpa khazoh ma a hria thei aw tly? Na hmotao rônahpazy he kheihawhpa khazoh ma a tao thei aw tly?

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?