HLAZY 84:3 - Mara Bible RV (BSI)

³ Hy Pheisaihzy Abeipa, Ei Beipa nata ei Khazohpa, Na maisâh kiapâh liata la, Boby hmahta o hnei ta, Siviah chhao ta bu a hnei, A tawzy so nawpa ta.

HLAZY 84:3 Cross References

2 SAMUELA 15:25

Abei ta Zadô hnohta, “Khazohpa Byh kha khihpi chhôh lâ a sy pakhua teh u. Abeipa modypa ta ei y khiahta cha, nâ vaw chhi pakhua heih aw ta, Kha­zohpa Byh nata a pahrâna cha eina pahmôsa heih aw.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 5:2

Ei Beipa nata ei Khazohpa, Ei awna ao he nathlie mah y, Nâma lâ thlah a chhâpa ei châ hih.

HLAZY 90:1

Abeipa, nâ cha chhâ zydua ta, Eima pahrâna na châ.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.