HLAZY 83:5 - Mara Bible RV (BSI)

⁵ Reih kha tlapa ta cha tei ei ta, Châ dyuh awpa ta biehrai ama tao.

HLAZY 83:5 Cross References

2 THÂTIHZYRONA 20:11

eima chô liata ama taopa he moh tua. Eima ryuto râh châta miah na piepa na râh tawhta miah papua awpa ta ama vaw pua.

ESTHERI 3:6

Châhrasala Môdekai chô lia dei ta kupathla awpa cha â daih tah leipa ta. Môdekai cha kheihawhpa phopi ma a châ tahpa ama chho hapa vâta, Ahasuarâ khinarâh liata a ypa Môdekai phopi Zu chyhsa zydua pahleipadia khai awpa a chhuah ta.

HLAZY 124:3

Eima chô liata ama hie a hâh no kha, Ahrohpa ta miah palâ ha aw ei ta;

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

HLAZY 74:8

Ama palôh ta, “Parao khai ha ei suh u,” tah ei ta, Râh liata Khazohpa achhyna o zydua ama rao khai haw.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

ZEREMIAH 33:24

“He chyhsazy ta, ‘Abeipa ta â tlyhpa phopi miano cha a thy ha ei,’ tahpa ta ama reipa pachâ beih va chi ma? Cha hawhna chata ei phopi cha mohnao ei ta, âmo mohmô liata la phopi tah tlâh chhao châ khao veih ei.

EZEKIA 25:15

“Abeipa Zehôvâh ta hetana heta a tah: Philistinâ mo cha phuh lanazie ta a pielyu ei ta, palôh chhiepa phaopa ta, akhakhaina chhâ thai khao leipa ta Zudâh a khakhai ei ta, Zudâh cha pahleipadia amâ chhuahpa vâta,

MIKÂ 4:11

“Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.

BIEPHUAH 17:13

Palôh miakha phaohpa ta, ama hmotaotheina nata biehneina cha sahrâhpa ama pie aw.

BIEPHUAH 19:19

Chatawhcha arâ a kiahpa nata a pheisaih a dyuh awpa ta, sahrâhpa nata lei beizy nata ama pheisaihzy amâ hmaohpa hmô na ta.