HLAZY 83:13 - Mara Bible RV (BSI)

¹³ Hy ei Khazohpa, âmo cha doh khupa hawhta tao la, Thlih hmia liata sâh sihpa hawhta tao mah y.

HLAZY 83:13 Cross References

ZAWBÂ 13:25

Chhohna thlih ta a phaopa pachhiparypa ta, Sâh kô raohpa ma nâ chadai aw?

ZAWBÂ 21:18

Ziza hmiakô liata sawphao hawh châ ei ta, Chothyu ta saviah a phaopa hawh châ veih ei ma?

HLAZY 22:1

Ei Khazohpa, ei Khazohpa, khazia eina pathlua chi? Khazia na pachha leipa ta nâ hla chi ta, Ei hrôna biezy thei leipa ta einâ hla chi tly?

HLAZY 35:5

Thlih ta sâh sihpa a phaopa hawhta châ ei sala, Abeipa vâlyuhchâpa ta âmo cha papua mawh sy!

HLAZY 44:4

Hy Khazohpa, nâ cha ei Beipa châ chi ta, Zakaw châta pahniena phuah mah y.

PUASAINA 15:7

Nâ beina rônahna ta châ dyuhtuhpazy thy pathlah chi ta, Na hiehâhna papua chi ta, Sawphao hawhta a kâ khai ha ei.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 41:2

A siena maihta pahniena a to lymâpa Nochhi chyhsa siapa cha, Ahy ma Abeipa rai hria awpa ta a pahra tly? Abeipa ta râhzy a ku liata pie ta, A hmiakô liata abeizy a panawh haw. A zaozi ta âmo cha dohlei hawhta pazao ta, A libaw ta sâh sihpa hawhta â zawkhei ha ei.

ZEREMIAH 13:24

Râhchawhpa tawhta thlih ta sâh sihpa a phaopa hawhta, Nâmo chhao ei cha papai aw ei.

EZEKIA 35:10

“‘Phopi mianopa nata râh mianopazy cha kei eih châ aw ei ta, keimo ta eima hnei aw,’ tah chi ta, cha râh liata Abeipa a y thlâh hapa chhao ta, cha hawhta na tahpa vâta,

EZEKIA 36:2

Abeipa Zehôvâh ta hetana heta a tah: Chariahpa ta nâmo kyh liata, ‘Azi! Tlâh hlôpazy keimo eih a châ haw,’ ama tahpa vâta,

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.