HLAZY 82:3 - Mara Bible RV (BSI)

³ Chiehleipa nata paw hnei leipazy a duakhei u la, Pasataopa nata dyhchhiepazy adona pabohsa muh vy.

HLAZY 82:3 Cross References

ZAWBÂ 29:12

Bao awpa ta a awhpa dyhchhiepazy bao ei na ta, Baotuh hnei leipa harapazy ei deichhy tyhpa vâ ei ta.

ZAWBÂ 31:21

Ryureina liata châhkheituh ei hneipa vâta, Paw hneileipazy chô liata ku a vaw hy hapa ei châ khiahta cha;

HLAZY 10:18

Paw hnei leipa nata tlybaipazy châta adona tao aw chi ta, Chatanachata lei chyhsazy ta pachhipary khao aw veih ei.

PUASAINA 23:3

“Dyhchhiepa ta biepeipa hnei sala, dyhchhiepa a châpa vâta na khokhei via awpa châ vei.

PUASAINA 23:6

“Dyhchhiepa cha a biepeipa pachiana liata â dona na chhu awpa châ vei.

BIESOZY 31:9

Na pakah âpa ta siana ta ryureih la, Dyhchhiepa nata phahlapazy adona a duakhei mah y.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:16

Dyhchhiepa nata phahlapazy a duakhei ta, Cha cha hmo phapa a châ. Kei nâ pahnopa cha, Cha hawhta a tao awpa rai châ vei ma? Abeipa ta a tah.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

RYHPACHANEINA 10:18

Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.