HLAZY 81:6 - Mara Bible RV (BSI)

⁶ Abeipa ta hetana heta a tah: “Na ngiatlâh tawhta phaohri cha pachhôpa na ta, Na kuzy hrâbyh tawhta ei pahua.

HLAZY 81:6 Cross References

1 THÂTIHZYRONA 4:23

Âmo cha Netai nata Kederâ liata a pahrâpa beihvituhpazy châ ei ta, bei châta rai hria awpa ta, cha liata a pahrâpazy ama châ.

HLAZY 114:1

Izi tawhta Izarei pua ta, Reih hropa phopi tawhta Zakaw pathla a pua nota,

HLAZY 122:4

Izarei châta biepiepa raopa hawhta, Abeipa moh reithai awpa ta, Cha khihpi lâ cha Izarei chizy ta khy tyh ei ta, Abeipa chizy ta ama khy tyh.

HLAZY 68:13

Mietaku sadôzy liata a ypa chanôzy cha, Tâkâ ta pahupa mathlaw a hneipa vachhuh lyu ei ta, A mathlaw pawhmaozy liata ngôh patliepa a ypa hawhta ama châ.

PUASAINA 1:14

Raihria ru ngaitapa, alô khaipa nata alei raopa raizy nata lyu liata rai to pahriasapa ta ama hro rie thata pathei ei ta, ama raihria zydua liata riethei ngaitapa ta ama pahriasa lymâ.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

ISAI 10:27

Cha noh liata, Asuria phaohri cha na ngiatlâh tawhta pachhôpa châ aw ta, a raopaky chhao na rao tawhta pahluhpa a châ aw. Na thawhpa vâta a raopaky cha na thlie pachhô aw.”

ISAI 9:4

Midia mo pahnie noh hawhna khata, A raopaky phaohri thlie pachhô chi ta, A ngiatlâh liata sômasi chhao thlie pachhô chi ta, A tlybaituhpa chôchahrei chhao na thlie pachhô khai haw.

MATHAI 11:29

Ei raopaky a ky u la, kei tawhta a chu teh u. Kei cha areisipa nata palôh nônaipa ei châ. Nama thlahpazy châta apahâna nama hmô aw.