HLAZY 81:12 - Mara Bible RV (BSI)

¹² Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

HLAZY 81:12 Cross References

ÂTHAONA 6:3

Chatawhcha Abeipa ta, “Ei thlahpa he chyhsapa hnohta chhâzaw ta y aw vei, ano cha thi theipa châ tlôh ta, a hro chhôh nohzy cha kô 120 a châ aw,” tah ta.

2 ABEIZY 18:12

Cha hawhta ama yna chhâpa cha, Izarei sawzy ta Abeipa ama Khazohpa bie zyh khoh leipa ei ta, a biehrai nata Abeipa chakaotuhpa Mawsi biepiepazy nathlie khoh leipa ei ta, ama zyh khoh leipa vâta a châ.

NEHEMIAH 9:16

“Châhrasala âmo nata miah pathlatuhpazy khata a palai ngaitapa ta hmo tao ei ta, ama koh pachyu ei ta, na biepiepazy zyh veih ei.

ZAWBÂ 8:4

Na sawzy ta a chô liata ama vaw molei ha khiahta cha, Ama paraona vâta a pasapanô hapa ei a châ aw.

PUASAINA 11:9

Abeipa ta Mawsi hnohta, “Ei hmotao noâhpazy Izi râh liana heta papôhsapa ta a y thei nawpa ta, Phiraoh ta nama bie a pyh aw vei,” tah ta.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

ZEREMIAH 42:21

Abeipa bie cha tanoh nama hnohta phuah na ta, châhrasala Abeipa nama Khazohpa ta nâmo chho awpa ta eina tuapa bie khâpa hmah zyh veih ei chi.

ZEREMIAH 7:24

Châhrasala zyh khoh leipa ei ta, nah pachôh khoh hra veih ei. Âmo ryhraona nata ama palôh molei kuhchhana liata sie ei ta, hmia tôh leipa ta hnôh tlao amâ sy.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

HÔSIA 9:17

A rei amâ ngia leipa vâta, Ei Khazohpa ta dytha aw ei ta, Phopizy hry liata viavipa ta ama y aw.

THEIHTHAINA 26:14

“Ei bie nathlie leipa ta, he biepiepa zydua he tao leipa u la,

HMOTAOPAZY 14:16

Hlâno daihtizy liata cha, phopi to âmo lâpi chyu a chhih awpa ta Khazohpa ta pasaih ta.

HMOTAOPAZY 7:42

Chavâta Khazohpa ta âmo cha a heihsai ta, avâ liata awhsizy a chhy awpa ta âmo cha a siesai ha ei, hrohsopazy châbu liata, “‘Hy Izarei phopi, Râhchawhpa liata kô sypalih nama y chhôh ta, Sa thiepa nata atheihnazy eina hlâ ei chi ma?

RAWMA 1:24

Chavâta ama pôhpa nozachhih ngaitapa ta a tao raihrie awpa ta, ama pathipalôh aohraohna hawhta hmo puapa tao awpa ta Khazohpa ta â heihsai ha ei.

1 SAMUELA 8:19

Châhrasala Izarei phopi ta Samuela ao cha nathlie khoh leipa ei ta. A hnohta, “Châ vei, eima chô liata bei a y tlai awpa a châ,