HLAZY 80:9 - Mara Bible RV (BSI)

⁹ Chhaohlei pathaipa chi ta, Â thupi taih a thari thla ta, Lyurâh a bie khai haw.

HLAZY 80:9 Cross References

2 SAMUELA 7:10

Ei phopi Izarei châta su rao aw na ta, cha liata loh aw ei na ta, âmo su eihpa liata pahrâ aw ei ta, patypamâpa ta y khao aw veih ei. Eikhano hawhna khata, thachahra a hmâhpazy ta âmo cha pasasa khao aw veih ei.

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

1 ABEIZY 4:25

Sawlawmaw hro chhôh zydua ta Zudâh nata Izarei cha, Dânâ tawhta Besebâ taihta, chyhsa to ama kre zôh ry liata nata ama theiku kô ry liata thlalôh ngaitapa ta ama y.

1 THÂTIHZYRONA 21:5

Zôabâ ta Izarei phopi maluh pahlyhpakhypa cha Dâvi chho ta. Izarei râh zydua liata, zaozi a chaba theipa chapaw 1,100,000 y ei ta, Zudâh râh liata 470,000 ama y.

HLAZY 105:44

Phopi hropa râhzy cha âmo pie ta, Phopizy hria chiehpa ryu ta a patosa ei.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

ISAI 27:2

Cha noh liata, Abeipa ta hetana heta a tah: “Kre sadô khochhihpa cha hla phi u la, Kresawhti saihpa cha hla phi teh u!

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

ISAI 37:31

Zudâh pathla laibâhpazy cha a ry lâ thari thla aw ei ta, a chô lâta thei ama pathei heih aw.

ISAI 5:2

Alei chhiah ta, alôzy thypa ta, Kre zôh pha chaipa loh ta; A liah liata vaina o sâhpa sa ta, Cha liata kre saohna khaoh a chao. Kre thei pha pathei awpa ta mokhâh ta, Châhrasala kre sihpa tlao a pathei.

ZEREMIAH 12:2

Âmo cha loh chi ta, thari thla ei ta, Laiseih ei ta, thei ama pathei tyh. Ama pakah a hnia chi ta, Ama palôh deikua cha nâ hla kaw.

ZEREMIAH 2:21

Chatanachôta kre zôh phapa hawhta cha loh na ta, Chi patapa hawhta ei cha loh. Kheihtazieta ma na chi patana padâh laih ta, Lyurâhpa kre zôh lâta nâ lie ha tly?

ZAWSUA 24:12

Nama hmia lâta kheihpangiah tuah na ta, cha chata âmo cha nama hmiakô tawhta a chadai ta, Amawri bei pano â chadaipai ha ei. Nama zaozi ta tlyma, nama libaw ta tlyma nama pahniepa châ vei.