HLAZY 80:1 - Mara Bible RV (BSI)

¹ Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 80:1 Cross References

2 SAMUELA 6:2

Dâvi cha thyu ta, cherubizy likawh beidyuchhai liata patyupa Pheisaihzy Abeipa moh ta awpa Khazohpa Byh cha la awpa ta, a pheisaih zydua chhaota Zudâh râh liata Bâle khihpi lâ sie ta.

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

ZAWBÂ 10:3

Tlybaipa pha tah chi ta, Nâma ku tlai ta na taopa mohnaopa ta, Moleipa ryhraona ma tlao pha na tah via haw?

HLAZY 45:1

Ei palôh he bie thlôhpa ta khô pathlah ta, He hla châhzy ta abei cha hla phi na ta, Ei paleih he chârohtuhpa phapa châsôh hawhta a châ.

HLAZY 5:1

Hy Abeipa, ei bie nathlie la, Ei hrôna kyh he pachâ mah y.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 50:2

Khazohpa cha Zaio tawhta vaw khaih ta, Khihpi ngia chaipa tawhta a vaw khaih.

HLAZY 55:1

Hy Khazohpa, ei thlahchhâna lâ na nah pachôh la, Ei châ hawna he a nyusai khah y!

HLAZY 60:1

Hy Khazohpa, miah thy ha chi ta, Miah na papyu haw; Na hie cha pahâh ha pi ta, Miah paduapathi heih mah y.

HLAZY 69:1

Hy Khazohpa, na pachha mah y! Tizy ta ei rao taih eina vao ha hih.

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

HLAZY 78:52

A phopi deikua cha mietaku hawhta puakhei ta, Mietaku zaw hawhta râhchawhpa liata a chhihtha ei.

HLAZY 78:67

Zawsi poh o dytha ta, Epharai chi a tlyh vei.

HLAZY 80:19

Hy Zehôvâh Khazohpa Atotaotheipa, Miah paduapathi heih mah y! Pachhapa ta eima y thei nawpa ta, Na hmia vaw pakhaihsa mah y!

HLAZY 80:3

Hy Khazohpa, miah paduapathi heih la, Pachhapa ta eima y thei nawpa ta, Na hmia vaw pakhaihsa mah y!

HLAZY 80:7

Hy Khazohpa Atotaotheipa, Miah paduapathi heih la; Pachhapa ta eima y thei nawpa ta, Na hmia vaw pakhaihsa mah y!

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

EZEKIA 1:13

Amâ lânazie kyh liata, hmohrohneipazy cha lôiatheipa a kâ ngâpa tlyma, meirei tlyma ama lyu. Mei cha hmohrohneipazy hry liata vawh heih a vy heih tahpa ta y ta, mei cha khaih ngaita ta, mei tawhna chata dôhla a pathlie lymâ.

EZEKIA 10:4

Abeipa rônahna cha cherubizy tawhta thyu ta, Achhyna o chhikao lâ a kaw pasie ta. Achhyna o cha meihdo ta bie ha ta, dôhpachhôh tlyhmia cha Abeipa rônahna khaihna ta a bie haw.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

DÂNIAH 9:17

Chavâta Hy eima Khazohpa y, tahmâ châ chakaotuhpa thlahchhâna nata hianazy he nathlie la, Hy Abeipa y, nâma moh vâ tlai ta, roryhrapa ta a y hapa na supathaihpa chô liata na hmia pakhaihsa mah y.

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.