HLAZY 8:5 - Mara Bible RV (BSI)

⁵ Ano cha vâmozy hlâta a chyhta a hnai viapa ta tao chi ta, Rônahna nata palyupalihna lakho na pakho.

HLAZY 8:5 Cross References

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

2 SAMUELA 14:29

Absalaw ta Zôabâ cha abei lâ tua awpa ta bieta ta, châhrasala a vy khoh leipa ta. A ei nona ta bieta heih ta, châhrasala a vy khoh pyly leipa ta.

ZAWBÂ 7:17

Chyhsapa he khâpa ma châ ta, Thata pachâ chi ta, A chô liata na palôh na so tly?

HLAZY 103:20

Hy nâmo, a vâlyuhchâpazy saih u, Abeipa cha reithai u la; Nâmo, a biepiepazy zyh ta, A biereipa ao a theipa thatlôpazy saih u, Abeipa cha reithai teh u!

HLAZY 103:4

Khaohtlô tawhta na hrona a chatlaituhpa châ ta, Kyhpachâna tleih beih leipa lakho cha pakho ta, Zawngiahna lakho châ pakhotuhpa a châ.

HLAZY 144:3

Hy Abeipa, chyhsapa he khâpa ma châ ta, Na pahno tyh tly? Chyhsa sawchapawpa chhao he khâpa ma châ ta, Na pachâ tyh tly?

HLAZY 45:6

Hy Khazohpa, na beidyuchhai cha, Chhâzaw nata tlyzaw ta y ta; Nâ beinarâh chôchahrei cha, Adona chôchahrei a châ.

EPHESI 1:21

Cha hmotaotheina cha, abeina zydua, biehneina zydua, hmotaotheina zydua nata ryureina zydua chô lâta y ta, he khizaw lia dei châ leipa ta, khizaw vaw y awpa liata chhao, moh bipa to chô lâta a y aw.

HEBRAI 2:16

Hmeiseihta la, vâlyuhchâpazy bao leipa ta, Abarahâ pathlazy tlao a bao ei.

HEBRAI 2:7

Bohpi leipa chhôh châta, Vâlyuhchâpazy hlâta a hnai viapa ta tao chi ta, Rônahna nata palyupalihna lakho na pakho; Na ku hmotaopazy chô liata hyutuhpa ta tao chi ta,

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.