HLAZY 79:5 - Mara Bible RV (BSI)

⁵ Hy Abeipa, khati taih ma a châ aw tly? Chhâzaw ta ma na hie a hâh thlâh ha aw? Na hiatliana cha mei hawhta ma a kâ aw?

HLAZY 79:5 Cross References

HLAZY 103:9

Khâ ra leipa aw ta, A hiehâhna chhâzaw ta chhy ngâ thlâh ha aw vei.

HLAZY 6:4

Hy Abeipa, a vaw heih la, Ei hro he pachha mah y; Na zawngiahna hluh ngaitapa vâta, Rie na pachha mah y.

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 80:4

Hy Zehôvâh Khazohpa Atotaotheipa, Khachâ ma na phopi thlahchhânazy vâta, Na hie a hâh aw tly?

HLAZY 80:5

Âmo cha mothlih viahchhâ ta pasa chi ta, Mothlih nyu biepa na padosa ei.

HLAZY 85:5

Chhâzaw ta ma eima chô liata na hie a hâh aw? Chhâ zydua taihta ma na hie a hâh ngâ thlâh ha aw?

HLAZY 89:46

Hy Abeipa, khati taih ma a châ aw? Chhâzaw ta ma nâ nyu aw? Khati taih ma na pathiiana mei hawhta a kâ aw?

HLAZY 89:47

Ei daihti chyuzie he a thei mah y! Khazia ma chyhsa saw zydua he, Hraolei­pa ta na vaw paysa ei tly?

ISAI 64:9

Hy Abeipa y, hiehâh ngaitapa ta y leipa la, Eima moleinazy cha, Chhâzaw ta a thei thlâh ha khah y. Ngiachhiepa ta miah moh tua, Eima zydua ta na chyhsa sai eima châ hih.

CHAPHÔHTUNA 5:22

Miah na thy pathlah hapa châ leipa sala, Eima chô liata na hie a hâh ngâsâ hapa a châ leipa khiahta cha, Nâ lâ miah pakuasa heih la, Hlâno daihti hawhna khata eima nohzy pathieh heih mah y!

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

ZEKARIA 1:12

Abeipa vâlyuhchâpa ta, ‘Hy Pheisaihzy Abeipa, kô sysari chhôh zydua na palôh châ pachhie hapa Zerusale nata Zudâh khihpizy he, khachâ taih ma thapasa khao leipa ta na y aw tly?’ tah ta.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.