HLAZY 79:10 - Mara Bible RV (BSI)

¹⁰ Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 79:10 Cross References

HLAZY 115:2

Khazia phopizy ta, “Ama Khazohpa cha khataih liata a y haw?” ama tah aw?

HLAZY 42:10

Ei ruzy zaozi ta chhawhpa pasapa hawhta, Ei khakhaipazy ta na taola ei ta; Noh y ta ei hnohta, “Khataih liata ma na Khazohpa cha a y haw?” ama tah.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

ISAI 64:1

Aw, avâzy khi hriepa ta za chô la, Na hmiakô liata tlâhpizy amâ sih mawh sala eima tah kaw dia!

ZEREMIAH 51:24

Châhrasala Babylaw khihpi nata Kaldia chyhsazy cha, Zaio chô liata hmo chhiepa ama taopa zydua vâta, Nama mohmô lia tlai ta viari ei thô aw ei,” Abeipa ta a tah.

ZEREMIAH 51:35

Kei nata ei chiheihzy chô liata Thachahra miah ama hmâ thlupa he, Babylaw chô liata vaw tlô mawh sy,” tah ei sala, Zerusale ta, “Ei thisaih maoh cha, Kaldia chyhsazy chô liata a y aw,” tah mawh sy.

CHAPHÔHTUNA 1:22

“Ama paraona zydua na hmiakô liata vaw tlô sala, Âmo cha hria mah y; Ei paraona zydua vâta ei chô liata na taopa hawhna heta, Âmo chô liata chhao tao mah y; Thata a hrô na ta, Ei palôh a panao khai ha hih.”

EZEKIA 36:23

Phopizy hry liata papuapaleipa ta a ypa, nâmo tlai ta ama hry liata nama papuapaleipa ei moh rônah ngaitapa cha ei pathaisa aw. Nâmo hmâpa ta phopizy hmiakô liata ei moh pathaihpa ei pathaisa tita, phopizy chata kei he Abeipa ei châ tahpa ama pahno aw, Abeipa Zehôvâh ta a tah.

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”