HLAZY 78:71 - Mara Bible RV (BSI)

⁷¹ A phopi Zakaw vaih ta, A ryuto Izarei vaih awpa ta, Mietakuzy vaina tawhta a aw papua.

HLAZY 78:71 Cross References

ÂTHAONA 33:13

Zakaw ta a hnohta, “Hawtizy panyu kaw chy ei ta, mietaku zaw nata viahchao hri ama taw sâhpi a pazy haipazy he ei mohôh awpa ei a byuhzie ei zibeipa ta na pahno. Noh kha chhao ama rie eima patheisa tu khiahta cha, sahroh zydua ama thi khai aw.

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

2 SAMUELA 24:17

Dâvi ta chyhsa a thietuhpa vâlyuhchâpa a hmô nahta, Abeipa bie a chho ta, a hnohta, “Pachâ teh, ei vaw molei haw, a do lei ngaitapa ta hmo ei vaw tao haw. Châhrasala he mietakuzy heta khâpa hmo ma ama tao tly? Ei châ haw na, na ku cha keima chô liata tla sala, ei paw chhôhkha chô liata tla mawh sy,” tah ta.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

2 SAMUELA 7:8

Chavâta tahmâ nâ chakaotuhpa Dâvi hnohta hetana heta kei chho teh. ‘Pheisaihzy Abeipa ta hetana heta a tah: Ei phopi Izarei chô liata ryureituhpa châ awpa ta sibiepa su tawhta nata mietakuzy na vaina tawhta cha la papua na ta,

1 THÂTIHZYRONA 11:2

Sawla â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa na Khazohpa ta na hnohta, ‘Ei phopi Izarei vaituhpa châ aw chi ta, ei phopi Izarei chô liata bei ta na y aw,’ a cha tah,” tah ei ta.

HLAZY 28:9

Na phopi he pachha la, Na ryuto he byhnâ pie mah y; Âmo cha pasa la, Chhâzaw ta hrôbieh mah y.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

MATHAI 2:6

“‘Nâ, Bethlehe, Zudâh râh liatapa, Zudâh ryureituhpazy hry liata chyh chai cheita aw va chi; Ei phopi Izarei vaih awpa ta, Na chhôh tawhta ryureituhpa a vaw pua awpa vâta,’ tahpa ta a vaw roh,” tah ei ta.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.