HLAZY 78:66 - Mara Bible RV (BSI)

⁶⁶ A khakhaipazy hnôh pasysa ta, Chhâzaw ta nozapa ta a tao ha ei.

HLAZY 78:66 Cross References

ZAWBÂ 40:12

Apalaipa maih tawpâpa ta panawh la, Moleipazy cha amâ duana su liata tlypâ mah y.

ZEREMIAH 23:40

Chatanachata chhâzaw reipachhiena nata kôzaw maophyuhna my thei leipa cha nama chô liata ei vaw patlôsa aw.”

1 SAMUELA 5:6

Abeipa ku ta Asadô chyh­sazy cha vi ta, âmo cha pahleipadia ta, Asadô nata a chheipâh khihzy cha kheihluh ta hrie ta.

1 SAMUELA 6:4

Philistinâ mo ta, “Thaileichâna atheihna châta khâpa ma eima hlâ palie aw?” tah ei ta. Theihthaipazy nata pachaothaipazy ta, “Potlana hri miakha ta nama zydua chô liata nata nama beizy chô liata â lyupa ta a cha tla thlu ei. Chavâta Philistinâ bei papangawh vyuhpa ta ngôh kheihluh nothlahpa miapangawh nata ngôh siahloh nothlahpa miapangawh nama hlâ awpa a châ.

1 SAMUELA 7:10

Samuela ta raopa hlâna a hlâ hai no tlai chata, Philistinâ mo cha Izarei a dyuh awpa ta a vaw hnia ei ta. Châhrasala cha noh liata Abeipa ta Philistinâ mo chô liata tôkalôhpa thata vaw pathuasa ta, âmo cha patypamâ ta, Izarei hmiakô liata panawhpa ta y ha ei ta.