HLAZY 78:49 - Mara Bible RV (BSI)

⁴⁹ A hiehâhna ru ngaitapa ama chô liata pathla thlu ta, Vâlyuhchâpa sahlaozy ta, Pathiiana, ruchhôna nata nôpona zy ama vaw tlôkhei.

HLAZY 78:49 Cross References

2 SAMUELA 24:16

Vâlyuhchâpa ta parao awpa ta Zerusale lâ a ku a hy nahta, Abeipa cha hmo pha leipa tao a chhuahpa tawhta a palôh vaw nai ta, chyhsazy a pahleipadiatuhpa vâlyuhchâpa hnohta, “Â daih, na ku hy khao kha,” tah ta. Abeipa vâlyuhchâpa cha Zebu chyhsa Araunâ sawhri kiapâh liata y ta.

ZAWBÂ 1:12

Abeipa ta Sâtâ hnohta, “Moh teh, a hneina zydua na ku liata a y. Ano chô liata deikua, na ku na pazawh awpa châ vei,” tah ta. Chatawhcha Sâtâ cha Abeipa hmiakô tawhta pua ha ta.

ZAWBÂ 20:23

Py biepa nata lôhrâtlôpa ta a y nota, Khazohpa ta a pathiiana a chô liata vaw tuah aw ta, A hriena chaihhrai ta avâ hawhta a sua thlu aw

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

PUASAINA 15:7

Nâ beina rônahna ta châ dyuhtuhpazy thy pathlah chi ta, Na hiehâhna papua chi ta, Sawphao hawhta a kâ khai ha ei.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”