HLAZY 77:12 - Mara Bible RV (BSI)

¹² Na raihria zydua pachâ aw na ta, Na hmotao thatlôpazy ei laichadai aw.

HLAZY 77:12 Cross References

HLAZY 104:34

Ei pachâna ta Abeipa palysa mawh sy, Abeipa liata ei ly aw.

HLAZY 105:2

Ano lâ hla sapa ta, Ano cha reithai u la; A hmotao noâhpa zydua phuah teh u!

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 119:52

Hy Abeipa, ryhpa hlôpazy ei thei châh ta, Cha ryhpazy chata thlah eina palôh tyh.

HLAZY 143:5

Hnôhlâ daihtizy a kaw theipa ta, Na hmotaopa zydua saipalie na ta, Na ku raihriazy ei rohpady tyh.

HLAZY 145:11

Na khinarâh rônahzie reih aw ei ta, Na hmotaotheina kyh ama chho aw.

HLAZY 145:4

Chhâ kha tawhta chhâ hropa lâta, Na hmotaopazy reithai pachhuah lymâ aw ei ta, Na hmotao rônahpazy ama phuah lymâ aw.

HLAZY 71:24

Ei paleih he noh y ta na siana bie reih aw ta, Pasasa nâ chhuahpazy cha, Maophyuhpa nata hnabeidypa ta ama y.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.

RYHPACHANEINA 7:18

Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.