HLAZY 74:8 - Mara Bible RV (BSI)

⁸ Ama palôh ta, “Parao khai ha ei suh u,” tah ei ta, Râh liata Khazohpa achhyna o zydua ama rao khai haw.

HLAZY 74:8 Cross References

2 ABEIZY 2:3

Bethel liata a ypa hrohsopa sahlao sawchapawzy Elaisâh lâ a vy ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:5

Zerikô liata a ypa hrohsopa sahlao sawchapawzy ta Elaisâh a kei hnia ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 4:23

A vahpa ta, “Khazia tanoh cheingei cha ano lâ sie nâ chhuah? Thla thiehpa chhao châ leipa ta, Pahânoh chhao châ va,” tah ta. Chanô ta, “A pha thlâh ha aw,” tah ta.

2 THÂTIHZYRONA 17:9

Abeipa ryhpa châbu a phaopa ta, Zudâh râh liata pachu ei ta. Zudâh khihpi zydua chahryh ei ta, zawpizy ama pachu lymâ.

HLAZY 137:7

Hy Abeipa, Zerusale pao nota Edômâ mo ta, “Parao teh u, parao teh u, Â bôna taihta parao khai teh u,” Ama tahpa bie kha my beih khah y.

HLAZY 83:4

“A vy u la, ama phopi he pamua ha ei suh u; Izarei moh he a thei thlâhpa ta y khao khah sy!” ama tah.

HLAZY 83:5

Reih kha tlapa ta cha tei ei ta, Châ dyuh awpa ta biehrai ama tao.

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.