HLAZY 74:15 - Mara Bible RV (BSI)

¹⁵ Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

HLAZY 74:15 Cross References

2 ABEIZY 2:14

Elaizâh tawhta viahkao pasipa a zâ tlapa la ta, cha chata ti cha tu ta, “Zehôvâh, Elaizâh Khazohpa cha khataih liata a y?” tah ta. Ti a tu nahta, chavei chachâh ta a vaw pachhaih ta, Elaisâh cha chaka ta.

2 ABEIZY 2:8

Elaizâh ta a viahkao pasipa la ta, â tôh lâta chaty ta, ti cha tu ta, chavei chachâh ta a vaw pachhaih ta, ama pano ta alei hipa liata chaka ha ei ta.

HLAZY 105:41

Lôpanô pahy ta, Ti a vaw chathôh ta; Chavah hawhta râh raohpa liata a loh laih.

HLAZY 114:3

Tilaipi ta moh ta a râ ta, Zawdâh a hnawh lâ â lie.

HLAZY 78:15

Râhchawhpa liata lôpanôzy patlaw ta, Tilih athupa ti hawhta, Doh awpa hluhpi a pie ei.

ISAI 11:16

Izi râh tawhta ama kaw pua nota, Izarei châta lâlai a ypa hawhna khata, A phopi laibâhpazy châta chhao, Asuria râh tawhta lâlai a y aw.

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

HABAKU 3:9

Na libaw a mâ chiehpa ta y ta, Châtaizy hluhpi nâ haw. Selah Chavahzy ta alei na patlaw.

MALUHREINA 20:11

Mawsi cha a ku hy ta, a chôchahrei ta lôpanô cha ei no tu ta. Ti thata vaw pua ta, zawpi nata ama sahrohzy ta ti cha doh ei ta.

ZAWSUA 2:10

Izi tawhta nama kaw pua nota, Abeipa ta nama hmiakô liata Tilaipi Saihpa a pakuasazie nata Zawdâh haosâ Amawri bei pano Sihaw nata Ôkâ zy chô liata nama taozie zy thei pi ta, âmo cha tlokhuh nama pahleipadia khai hapa thâtihzy eima vaw thei.

BIEPHUAH 16:12

Vâlyuhchâpa pacharuna ta a biebuh cha Ufrâti vahpi liata patlai ta. Nochhi beizy châta lâpi a chhuahdy awpa ta, a ti cha kua ha ta.