HLAZY 73:25 - Mara Bible RV (BSI)

²⁵ Avâ liana khi ta, Nâ leipa ta ahy hropa ma ei hnei tly? Alei liana chhao heta, Nâ leipa ta khopa hro hnei va na.

HLAZY 73:25 Cross References

HLAZY 104:34

Ei pachâna ta Abeipa palysa mawh sy, Abeipa liata ei ly aw.

HLAZY 16:11

Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 16:2

Abeipa hnohta, “Ei Zibeipa châ chi ta, Nâma leipa ta la phana rai hnei va na,” ei tah tyh.

HLAZY 16:5

Abeipa, nâ cha ei vyuh nata ei nyu châ chi ta, Ei tovyuh na pabohsa tyh.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 37:4

Abeipa liata a ly la, Na palôh khopazy a cha pie aw.

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 63:3

Na ngâchhihna cha hrona hlâta pha via ta, Ei hmaozy ta a cha reithai aw.

HLAZY 89:6

Avâzy liana khita Abeipa pakhopâ thei awpa ahy ma y ta, Abeipa hawhpa he vâmozy hry liata ahy ma a y?

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

MATHAI 5:8

“Palôh pathaihpazy ama nohlao na, Khazohpa ama hmô awpa vâta.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.