HLAZY 72:19 - Mara Bible RV (BSI)

¹⁹ A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 72:19 Cross References

1 ABEIZY 1:36

Zehôdâ sawchapawpa Benai ta abei cha a chhy ta, “Amen! Abeipa, ei zibeipa Khazohpa ta reih tlai mawh sy.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

HLAZY 41:13

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!

HLAZY 89:52

Abeipa cha tlyzaw ta reithaipa ta y mawh sy! Amen, Amen.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ZEREMIAH 28:6

Hrohsopa Zeremiah ta, “Amen! Na reipa hawhna chata Abeipa ta tao tlai mawh sy. Hrohsona bie na phuahpazy cha Abeipa ta vaw patlôsa tlai sala, Abeipa o liata hmobaohzy nata sei ta â tâhpa zydua cha, Babylaw tawhta he su lâ he vaw tlôkhei tlai mawh sy.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MALUHREINA 14:21

Châhrasala ei hrona reipa ta ei reih; leilô zydua he Abeipa rônahna ta a bie aw.

MALUHREINA 5:22

He chhiesana a patlôsapa ti he na py chhôh lâ a ngia sala, na py pathlohsapa ta, na byhpi a pazaohsa mawh sy,’ tah aw ta, chanô ta, ‘Amen, Amen,’ a tah aw.

MATHAI 6:10

Na khinarâh vaw tlô mawh sy. Na khopa vârâh liata ama taopa hawhta, Alei liata taopa châ mawh sy.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 5:13

Chatawhcha avâ nata alei nata alei ry nata tilaipi liata a ypa hmotaopa to nata ama chhôh liata a ypa zydua ta, “Beidyuchhai liata a tyuhpa nata Mietakutaw hnohta, Reithaina nata palyupalihna zy, Rônahna nata thatlôna zy, Chhâzaw nata tlyzaw ta y mawh sy,” tahpa ta ama reithaipa thei na ta.